Засгийн газрын өргөтгөсөн хуралдаан болж байна.
Энэ үеэр Н.Тавинбэх сайд мэдээлэл өглөө. Тэрбээр “Улаанбаатар хотын цахилгаан хангамж төвийн бүсийн эрчим хүчний системээс хангагддаг бөгөөд 220кВт-ын хоёр, 110кВт-ын 34, 35кВт-ын 30, 220кВт-ын 445.7 км урттай, 110кВт-ын 424.6, 35кВт-ын 550657 км урттай, 6-10кВт-ын 5164 км урттай цахилгаан дамжуулах агаарын болон кабелийн шугамаар Улаанбаатар хотод цахилгаан эрчим хүч хэрэглэх гэрээтэй ажилладаг 401704 хэрэглэгчдийг цахилгаан эрчим хүчээр ханган ажилладаг.
Төсвийн бүсийн эрчим хүчний оргил ачаалал 2020 онд 1309 мегаваттад хүрсэн бөгөөд үүний 60 хувийг Улаанбаатар хотын ачаалал эзэлж байна.
Хотын цахилгаан эрчим хүчниa хэрэглээ сүүлийн таван жилийн дунджаар 6-8 хувийн өсөлттэй байна. хотын хэрэглэгчдийг хангаж буй дамжуулах түгээх системийн нийт шугамын 31 хувийг 815 дэд станц, цахилгаан дамжуулан агаарын болон кабель шугамын 26 хувь буюу 3488 км урттай цахилгаан дамжуулах агаарын шугамын ашиглалтын хугацаа дуусч нэн яаралтай шинэчлэл хийх шаардлагатай байна.
Тоноглолын насжилт өндөр болсон, хэт их ачаалалд орсон шалтгаанаас үүдэн 2020 он гэхэд түгээх сүлжээ 285 удаа тасалдаж, давхардсан тоогоор 306 мянган хэрэглэгчийн цахилгаан хангамж 1 цаг түүнээс дээш хугацаагаар доголдсон.
Улаанбаатар хотын цахилгаан хангамжид ашиглааг дамжуулах сүлжээний 33 дэд станцаас 28 нь, түгээх сүлжээний 30 дэд станцаас 25 дэд станцын хэрэглээ, суурилагдсан хүчин чадал тулсан, заримынх нь хэтэрсэн нөхцөл байдалд байна.
Үүний улмаас өнгөрсөн онд 288 мегаваттын чадал хүссэн 1792 иргэн, ААН-ийн техникийн хүсэлтийг хүсэлтийн дагуу олгож чадаагүй.
Өнөөдрийн байдлаар нийслэлийн долоон дүүргийн хэмжээнд гэр хорооллын 13681 өрх стандартын шаардлагад нийцсэн цахилгаан эрчим хүчинд холбогдож чадаагүй байна. Улаанбаатар хотын цахилгаан ачаалал 2025 оны түвшинд 1100 мегаватт хүрэх бөгөөд цахилгаан эрчим хүчний аюулгүй байдал болон найдвартай, өсөн нэмэгдэх хэрэглээг хангах зорилгоор эх үүсвэр, дамжуулах болон түгээх сүлжээнд тодорхой үйл ажиллагаа хийх шаардлагатай байна” гэлээ.
А.Сүх
