Сүүлийн нэг долоо хоногийн дээд түвшинд хүрээд байсан газрын тосны ханш буурав. Европын орнуудын удирдлагууд эдийн засгийн хямралын эсрэг дорвитой шийдэлд хүрч чадахгүй байгаа нь үүнд нөлөөлжээ. Нью-Йоркийн биржид арваннэгдүгээр сард худалдан авах "Brent" маркийн нефтийн үнэ 1.31 ам.доллараар багасан, баррель нь 110,11 "ногоон"-той дүйх болов. Өчигдөр WTI, "Brent" маркийн нефтийн үнэ ойролцоогоор 1.7 хувиар багаслаа. Мөн Нью-Йоркийн биржид уг таваарын фьючерс ханш 1.7 хувиар буурсан тухай "Bloomberg" дамжуулав.