“Улаанбаатар дулааны шугам сүлжээ” төрийн өмчит үйлдвэр байгуулагдсан
1959 оноос нийслэлд дулааны шугам сүлжээний гол шугамуудыг тавьжээ.
Улаанбаатар дулааны шугам сүлжээ” төрийн өмчит үйлдвэр байгуулагдсан 1959 оноос нийслэлд дулааны шугам сүлжээний гол шугамуудыг тавьжээ. Хамгийн сүүлд 1987 онд дулаан дамжуулах шинэ шугам XXI хороололд татсанаас өөр энэ чиглэлд хүч, хөрөнгө зарсан дорвитой ажил хийгээгүй юм билээ. Газар доорх 125-1200 мм-ийн голчтой 146.1 км урт хоолойгоор дамжуулан орон сууцнууд дулаанаа авч байна. Орос технологиор байгуулсан дулааны шугамууд олон жил үүргээ гүйцэтгэсэн.
Зун болохоор бид траншэйний нүхэнд орж шугам цэвэрлэнэ. Маш бохир орчинд оруулж юм хийлгэж байж ядаж л ажлын хувцсаар хангаад өгчихдөггүй.
“Зун цаг ирнэ. Дулааны шугамуудаа цэвэрлэ гэнэ. Траншэйний нүхэнд орж өнөөх дулааны шугамуудыг цэвэрлэ гэсэн үг шүү дээ. Гэтэл тэр нүхэн дотор нь ямар бохир заваан байдгийг анзаардаггүй. Адаглаад эрүүл цэвэр орчинд ажиллаж хөдөлмөрлөх эрхтэй биз дээ бид. Өнөөх шугамуудаа цэвэрлүүлэхдээ тусгай ажлын хувцас ч бэлдээд өгчихдөггүй. Өвөл боллоо. Хэзээ мөдгүй задрах гэж байгаа өнөөх элэгдсэн шугам дээрээ ажиллахад найдвартай байдлыг хангаж өгдөггүй. Техник хэрэгсэл муу, ажилчиддаа хангамж муу. Тэгсэн хэрнээ хамаг л хүнд хүчир муу бүхнийг бид л хийдэг” гэв.
Адаглаад тус компани нь улсын хөрөнгө оруулалттай байж цалингаа тогтсон өдрөө ч өгчихдөггүй. Ажилчид нь сарын 350-400 мянган төгрөгний цалинтай. Ийм хүнд, бохир нөхцөлд ажиллаж байгаа хүмүүсийн хувьд энэ бол чамлахаар мөнгө. Гэтэл ядаж яагаад амьд явах баталгаа өгч, ариун цэврийн шаардлагыг нь хангаад өгчихдөггүй юм бэ?.
Хүн найдвартай, эрүүл орчинд ажиллаж амьдрах эрхтэйг илтгэсэн хууль хүртэл байдаг юм шүү. Ядаж л хөдөлмөрийн хуулийн дагуу ажилчиддаа анхаарал хандуулах цаг ирээд байгаа юм биш үү. "Улаанбаатар дулааны шугам сүлжээ"-ний удирдлагууд аа!.
Ажилчид амьдрах баталгаатай ажлын орчин, ариун цэврийн шаардлага хангасан нөхцөлд л ажилахыг хүсч байна.
24tsag.mn
