"Усны төлөө иргэдийн нэгдэл" ТББ-аас Дэлхийн усны өдрийг тэмдэглэн өнгөрүүлэх тухай болон Монгол усны нөөцийн хомсдолд орсон тухай мэдээлэл хийж байна. Энэ үеэр "Усны төлөө иргэдийн нэгдэл" ТББ-ыг үүсгэн байгуулагч З.Батбаяр мэдээлэл өглөө.

Тэрбээр “Хоёр литр ус хэрэглэх боломж байхад бид гурван литрийг хэрэглэж байна. Бид усны нөөцийн хомстолд орсноо дэлхий дахинд зарлах цаг ирлээ. Үүнээс гарах арга замыг ярилцах хэрэгтэй болж байна.  Би УСУГ-т ажиллаж байсан. УСУГ 12 мянган худгаас ус татдаг. Нэг үеэ бодвол би усаа хэмнэж байна. Гэвч ус дахин ашиглалт их бага байна. Мянганы сорилтын сангийн төслөөр ус дахин ашиглах үйлдвэр барьж байна. Гэвч энэ төсөл усны хомстлыг шийдэхгүй. Туул голд 2008 оноос хойш жил бүр шахуу ширгэдэг, тасалддаг боллоо. Учир нь өвөл бид газар доорх усыг нь ховх сордгоос Туул гол тасалддаг. Туул гол газар доорх усаа нөхөж чадахгүй байгаа тул энэ голд далан барьж, усны нөөцөө бүрдүүлэх цаг болсон. Ямар нэг бизнес хийхэд мөнгө  хэрэгтэй болдог. Тэд банкнаас мөнгө авдаг шиг ямар ч улсад ус хамгийн чухал нөөц юм. Дэлхийн усны өдрийг энэ жил "газар доорх ус буюу харагдахгүй зүйлийг харагддаг болтол нь ажиллая" гэсэн уриатай тэмдэглэнэ. Усыг ашиглагч л хамгаалж чадна. "Усны төлөөх иргэдийн нэгдэл" хүн бүрд нээлттэй. Бид олон үйл ажиллагаа явуулна. Одоо бид эх орондоо манлайлах хэрэгтэй байна. Би энэ салбарт арваад жил ажиллаж байна. Манай улсын арваад голд далан барих боломжтойг судлаачид хэлдэг. Алтай хот хамгийн муу устай байсан бол одоо хамгийн цэнгэг ус уудаг болсон. Яг ийм шийдлээр Орхон, Эг, Сэлэнгэ мөрөн, Туул, хэрлэн, Булган, Ховд, Шишгэт, Байдраг голуудад далан барьж болно. Манлайлал дутуу байгаа тул одоо энэ ажлыг зоригтой хийх цаг ирлээ. УСУГ манлайлж чадахгүй байна. Далан барихад их хэмжээний хөрөнгө хэрэгтэй” гэв.