Эрүүл мэндийн яамнаас мэдээлэл хийлээ. Энэ үеэр Эрүл мэндийн яамны Төрийн нарийн бичгийн дарга Ц.Эрдэмбилэг мэдээлэл өглөө. Тэрбээр "Засгийн газрын үйл ажиллагаатай холбоотой санал гомдлууд дотроос хамгийн өндөр санал гомдол авдаг салбар бол Эрүүл мэндийн  салбар. 11-11 төвд ирсэн санал гомдлын гуравдугаарт нь эрүүл мэндийн салбартай холбоотой санал гомдол эзэлж байна. Үүнтэй холбоотойгоор Эрүүл мэндийн салбар ард түмэндээ хийж буй зүйлсээ тайлагнаж байх, шилэн байх, тусламж үйлчилгээтэй холбоотой санал гомдлыг шийдвэрлэх ажлын хүрээнд сар болгоны дөрөв дэх долоо хоногт хэвлэлийн хурал зохион байгуулна. Үүгээр Эрүүл мэндийн яамны бүх удирдлагууд тухайн сард гарсан санал, гомдлын шийдвэрлэлт, салбарын тулгамдсан асуудал зэргийг мэдээллэдэг байх нөхцөлийг бүрдүүлж байна.

Ийнхүү дөрөвдүгээр сард гарсан санал гомдлын шийдвэрлэлтийн тухай мэдээлэл өгье. 11-11 төвд эрүүл  мэндийн салбартай холбоотой 238 хандаж, өргөдөл гомдол өгсөн байна. Үүнээс 233 гомдлыг хуулийн хугацаанд шийдвэрлэсэн байна. Дөрөвдүгээр сарын өргөдөл гомдлын шийдвэрлэлт 97,2 хувьтай байна. Нийт хүлээж авсан санал гомдлын 77,7 хувь нь гомдол, 7,3 хувь нь санал, 4,3 хувь нь санал, 10,7 хувь нь талархал эзэлж байна" гэв.

Д.Батчулуун