Судалгаагаар Монгол улс дахь олон улсын байгууллага болон суурин төлөөлөгчийн газрын ажилтнуудын сарын цалин 4.5 сая төгрөг байгаа гэнэ. Энэ оны гуравдугаар улирлын байдлаар ажиллагчдын сарын дундаж нэрлэсэн цалин 2015 онтой харьцуулахад 94.7 хувиар нэмэгдсэн боловч худалдан авах чадварыг илэрхийлдэг бодит цалин 25.2 хувиар нэмэгдсэнийг Үндэсний статистикийн хороо мэдээллээ.
Мөн гуравдугаар улирлын эцсийн байдлаар дундаж цалин 1.57 сая төгрөг болж, өмнөх улирлаас 1.8 хувиар өсжээ. Эрэгтэй ажиллагчдын дундаж цалин 1.7 сая төгрөг, эмэгтэй ажиллагчдынх 1.4 сая төгрөг байгааг Үндэсний статистикийн хороо мэдээлэв.
