Дархан-Уул аймгийн Дархан сумын 2023 оны тухайн жилийн газар зохион байгуулалтын төлөвлөгөөнд тусгагдсаны дагуу Дархан сумын нутаг дэвсгэрт төрийн байгууллагын зайлшгүй хэрэгцээнд зориулан Дарханы Төмөрлөгийн үйлдвэр ТӨХК, Дарханы Дулааны сүлжээ ТӨХК, Дархан-Уул аймгийн Үйлдвэрчний эвлэлийн холбоонд дэд бүтцэд холбогдох боломжтой газар ажилчдын орон сууцны барилга барих газрыг эзэмшүүлэхээр болж аймгийн Засаг дарга Б.Азжаргал өнөөдөрбайгууллагын удирдлагуудад газар эзэмшүүлэх захирамжийг гардуулан өглөө. 

Дээрх байгууллагуудын ажилчдын 40-50 гаруй хувь нь гэр хороололд амьдардаг. Ажилчдынхаа нийгмийн асуудлыг шийдвэрлэх хүрээнд ААНБ-ын удирдлагууд аймаг орон нутагт газар олгох хүсэлтээ илэрхийлсэн. Үүний дагуу асуудлыг нь ийнхүү шийдвэрлэж байна.