УИХ-ын чуулганы хуралдаан үргэлжилж байна. Хуралдаанаар “Эрчим хүч-3 төсөл”-ийг хэрэгжүүлэх Монгол Улс, Олон улсын сэргээн босголт, хөгжлийн банк хоорондын Зээлийн хэлэлцээрийг соёрхон батлах тухай хуулийн төсөл /Засгийн газар 2025.05.16-ны өдөр өргөн мэдүүлсэн, соёрхон батлах/-ийг хэлэлцэж байна. Энэ үеэр Сангийн сайд Б.Жавхлан гишүүдийн асуултад хариуллаа. 

Тэрбээр "2025 оны батлагдсан төсөв дотор 12 их наяд төгрөгийн төсөл хөтөлбөрүүдийн санхүүжилтын дүнгээс 1.5 их наяд төгрөг л төсөв дээр суусан. Энэ хэлэлцээр соёрхон батлагдмагц энэ жилийн хувьд нэг орчим сая ам.долларын төслийн бэлтгэл ажил хангагдах санхүүжилтыг тусгасан байгаа. Энэ жилийн 1.5 их наядын зээлийн ашиглалт дотор энэ төслийг багтаан эхлүүлнэ. Цаана нь дахин 46 сая ам.доллар үлдэнэ.

Нэмж авч байгаа зээлүүдэд өндөр шалгууртай, харам хандаж байгаа. Стратегийн хүрээнд дэд бүтэц, эрчим хүчний төслүүд дээр урт хугацаатай хөнгөлөлттэй зээлийг авахаар зөвшөөрөл авч байгаа" гэв.