Өмнөд Солонгосын алдарт жүжигчин Чой Жон У тодорхойгүй шалтгаанаар 2025 оны тавдугаар сарын 27-нд 68 насандаа хорвоогийн мөнх бусыг үзүүллээ. Түүний агентлаг болох "Bless ENT" энэ мэдээг баталж, "Тэр өнөөдөр нас барсан нь үнэн. Үхлийн шалтгаан хараахан тодорхойгүй байна" гэж мэдэгдлээ.
Тэрбээр 30 гаруй уран сайхны кино, 50 гаруй олон ангит кинонд дүрээ мөнхөлжээ.
1957 оны хоёрдугаар сард төрсөн Чой 1975 онд “Жүжигчин хүний амьдрал” жүжгээр жүжигчний гараагаа эхэлсэн. Тэрээр 1996 оны “Хоёр цагдаа” киноноос эхлээд өнгөрсөн жилийн “Project Silence” хүртэл олон төрлийн уран бүтээлд чадварлагаар тоглосон алдартай нэгэн байв.
Зарим эх сурвалжууд түүнийг эмнэлэгт өөд болсон гэв. Түүнийг пүрэв гаргийн өглөөний 10 цагт Сувон Ёнхва цэцэрлэгт хүрээлэнд оршуулах ажээ.
Л.Баяр
