IEM Dallas 2025 нь Valve-ын зүгээс Tier 1 ангилалд хамааруулсан Counter-Strike 2-ийн өндөр зэрэглэлийн тэмцээн байсан бөгөөд 1 сая ам.долларын шагналын сантай, ESL Grand Slam цувралын шинэ улирлыг эхлүүлсэн чухал үйл явдал байлаа.
Энэхүү тэмцээнд түрүүлсэн баг ESL-ийн дөрвөн өөр арга хэмжээнд ялалт байгуулж чадвал нийт 1 сая ам.долларын алтан гулдмайн эзэн болох боломжтой байв. Үүнээс гадна, олон улсын хэмжээний тэмцээн болох BLAST.tv Austin Major 2025-ийн өмнөх бэлтгэл, багуудын формыг шалгах сүүлчийн боломж байснаараа онцлог байв. Фэнүүдийн хувьд домогт тоглогч s1mple-ийн FaZe Clan-д зээлээр тоглож, дахин тайзнаа эргэн ирсэн нь тэмцээнийг илүү сонирхолтой болгосон.
Тавдугаар сарын 19-21-ний хооронд үргэлжилсэн хэсгийн шатанд 16 баг оролцож, A болон B гэсэн хоёр хэсэгт хуваагдан өрсөлдсөн. Хүлээлтийн дагуу фаворит багууд плей-оффт төвөггүй шалгарсан ч A хэсгийн дээд шатны финалд Vitality болон Монголын бахархал The MongolZ багийн тоглолт хамгийн анхаарал татсан мөч байв.
Олон улсын спорт тааврын томоохон брэнд 1xBet-ийн ивээн тэтгэсэн Монгол баг дэлхийн тэргүүн багийн эсрэг 13:10 харьцаагаар Inferno-г алдсан ч Nuke дээр 13:7-оор хожил байгуулж, шийдвэрлэх 3 дахь мп дээр тоглохоор болсон. The MongolZ 11:11 хүртэл тэнцүүхэн тоглосон ч сүүлчийн хоёр раундыг алдан, ялагдсан ч тэдний үзүүлсэн тоглолт нь фенүүд болон спорт шинжээчдээс өндөр үнэлгээ авсан.
Плей-офф шатанд The MongolZ Туркийн Aurora-г 2-0 харьцаагаар хожиж, MOUZ багийн эсрэг хагас шигшээд шалгарсан. MOUZ-тэй хийсэн тоглолтод тэд өөрсдийн сонгосон Inferno дээр 11:13 харьцаагаар ялагдсан ч Nuke дээр эхний хагасыг 8:4-өөр тэргүүлж байв. Гэсэн ч хоёрдугаар хагасын уналт тэднийг дахин 11:13-оор хожигдоход хүргэсэн. Харин Vitality-ийн хувьд, нөгөө талын хагас шигшээд Falcons багийг 2-1 харьцаатай ялж, финалд шалгарсан. Финалын тоглолт Vitality болон MOUZ багуудын хооронд өрнөж, Vitality өмнөх 10 тоглолтын 8-д нь ялалт байгуулсан амжилтаа бататгаж, Dust2 (13:11), Mirage (13:9), Inferno (13:8) гэсэн үр дүнгээр 3-0 харьцаатай хожиж, уг тэмцээнд түрүүллээ. Dust2 дээр MOUZ-ийн тоглогч Jimpphat 1v5 clutch хийж, тэмцээний хамгийн шилдэг мөчүүдийн нэгийг бүтээсэн ч энэ нь Vitality-ийн давамгайллыг зогсоож чадаагүй.
Vitality баг 2025 оны зургаа дахь түрүүгээ хүртэж, 285,000 ам.долларын шагналыг авсан бол багийн од тоглогч болох ZywOo дундаж 1.27 үнэлгээгээр HLTV x 1xBet-ийн улирлын зургаа дахь, карьерийнхаа 26 дахь MVP шагналыг хүртэв. Одоогийн байдлаар тэдний ялагдаагүй цуврал 30 тоглолт болоод байна. 1xBet Монгол багийн хувьд, BLAST.tv Austin Major 2025 (зургаадугаар сарын 3-нд эхэлнэ)-ийг бүрэн хамруулсан мэдээллээр үзэгчдэд хүргэхээр төлөвлөж байна. Хамтдаа Монголын бахархал The MongolZ багийг дэмжицгээе!
