Иргэн Г.Хажидмаа цаг үеийн байдлаар засгийн газарт шаардлага хүргүүлсэн талаараа мэдээлэл өглөө.

Тэрбээр “Өнөөдөр монгол улсын иргэн бүр ноглол ашиг авч байсан бол эрүүл мэндээ мөнгийг нь төлөөд үзүүлээд явах, үр хүүхдүүд минь гадаадын сургуульд төлбөрийг нь өгөөд эрдэмтэн доктор болох мөрөөдлөө  биелүүлэх боломжтой байж.

Монгол Улсын  75 хувь нь нэн ядуу амьдарч байна гэдэг судалгаа гарсан байна. 2015 онд нийт хүн амын 50 хувь нь нэн ядуу байсан бол хэдхэн жилийн дотор иргэд маань ядуугын туйлд хүрсэн байна.

Тиймээс иргэн бүрийн ногдол ашгийг цагаан сараас өмнө Т.Доржханд гишүүний хэлснээр 40 их наяд төгрөгийг  тэнцүү хуваарилж  өгөөч гэдэг шаардлагыг тавьж байна. Мөн ногдол ашгийн шаардлагад нас барсан иргэдийн ногдол ашгийг үр хүүхдүүдэд нь өвлүүлэн өгөх тухай, мөн  2012 оноос хойш төрсөн иргэн бүрт тэнцүү хуваарилж  өг, мөн ногдол ашигтай холбоотой ажлын хэсэг гаргасан бол иргэдийн төлөөллийг уулзуулж, олон түмэнд  нээлттэй болгох шаардлагыг хүргүүлсэн.  Монголчууд цагаан сар хүлээгээд баярлаж суух нөхцөлгүй байна. Мөнгөтэй болвол зээлээ төлөх мөрөөдлийн хэлбэрт шилжиж  байна. Монгол улс байгалийн баялгаараа дэлхийд наймт ордог. Есөн эрдэнэ гэж гайхагддаг ард орон. Гэтэл энэ боломжийг 76 гишүүн болон тэдний нөхөд хумсалж эдийн засгийн дарангуйлалд өртүүлж байгаа учраас ногдол ашигаа авах хүсэлтэй байна. Иргэн баян бол төр баян. Иргэдийн аж амжиргааг төрөөс дэмжиж өгч байж монгол улсын эдийн засаг сэргэнэ. Нэгдэх өдөр гэхэд шаардлагад хариу өгөхгүй бол монголын ард түмнийг уриалж цагаан сараас өмнө ногдол ашигаа авч, тэмцлийн хурц хэлбэрт шилжинэ гэдгийг мэдэгдэж шаардлага хүргүүлсэн” гэв. 

Б.Мичидмаа