БГД-ийн ИТХ-ын АН-ын бүлэг Засаг дарга Ө.Сумъяабаатарыг огцруулах талаар мэдээлэл өглөө.
Мэдээлэлдээ "Гуравдугаар сарын 29-ны өдөр Баянгол дүүргийн засаг дарга Ө.Сумъяабаатарыг огцруулах хурал болсон. Дүүргийн иргэдийн хурлын олонхын саналаар засаг даргаа огцруулсан. 2022 оны орон нутгийн сонгуулийн дараа МАН 20, АН 18, хоёр нь хүн нам. МАХН-ын нэг хүнийг МАН авснаар МАН эрх барьсан. Бид сөрөг хүчний хувьд 200 гаруй мянган иргэдийн эрх ашгийн төлөө явсан.
Нутгийн өөрөө удирдах байгууллага буюу нийт төлөөлөгчийн 73,2 хувь нь засаг дарга Ө.Сумъяабаатарыг огцруулсан. Харамсалтай нь, нийслэлийн засаг дарга хүлээн аваагүй. Иймд энэ засаг дарга бүтэн нэг жил ажлаа хийж явсан.
Засаг даргыг огцруулах асуудал бол маш олон үндэслэлтэй. Хууль тогтоомжыг зөрчсөн олон асуудал гарсан. Өнөөдөр энэ дүүрэгт болж буй асуудал нэг ч байхгүй байна. Өнөөдөр энд байгаа Ардчилсан намын төлөөлөл өөрсдийнхөө эрх ашгийн төлөө яваагүй. Дараагийн засаг даргад бид ижил шаардлага тавиад явна" гэв.
Д.Батчулуун
