Дулааны гуравдугаар цахилгаан станцад гарсан ослын талаар БЭТ Б.Тавинбэх дараах мэдээллийг өглөө.

Тэрбээр "Дулааны гуравдугаар цахилгаан станцад онц байдал тогтоогоод, БЭТ томилоод 47 хонож байна. Энэ хугацаанд бид сэргээн босголтын ажлыг эрчимтэй хийж байна. Цахилгаан эрчим хүчийг хэвийн хэмжээнд нийлүүлэх боломжтой болж байна. Ашиглалтад ороод 60 орчим жил болж байгаа эх үүсгэвэр байгаа. Олон хүнтэй, тасралтгүй үйл ажиллагаатай станц учир технологийн саатал гардаг.

Өнгөрсөн наймдугаар сарын 1-нд гэмтэл гарсан. Гэмтлийг засварлах ажил эхэлсэн явж байгаа. Өнгөрсөн жил өвлийн оргил ачааллын үеэр яг ийм гэмтэл олон удаа гарч байсан.

Дотроосоо сенсацтай мэдээлэл гаргаж байгаад харамсаж байна. Ийм мэдээлэл өгдөг хүмүүсийг хуулийн байгууллагад өгч шалгуулна. Осолд өртсөн нөхөртөө туслахын оронд бичлэг хийгээд гадагшаа зараад, буруу ойлголт өгдөг хүмүүс энэ хамт олны дунд байх ёсгүй гэж бодож байна.

50 жил ашигласан зуухны хоолойнууд нимгэрсэн учир цоорч гэмтсэн байна. Турбины хувьд ослын дүгнэлт хараахан гараагүй байгаа учир мэдээлэл өгөх боломжгүй байна" гэв. 

Д.Батчулуун