Өчигдөр яруу найрагч Энхтайван бие даасан уран бүтээлийн тоглолтоо хийлээ. Тэрээр дуучин Болдын “Хэрвээ”, “Хэзээ”, “Гэгээн домог”, “Хайрын ургамал”, “Хайрын хүч” гэх мэт олон дууны үгийг бичжээ. Мөн Маралжингоо “Хүлээсэн учрал”, Эгшиглэн “Яг одоо”, Наран “Welcome to my heart”, Сэрчмаа, 3 охин, Нэгэн зүгт, Sync зэрэг олон хамтлаг дуучдын дууны үгийг бичсэн алдартай зохиолч аж. Тиймдээ ч тоглолтдоо тус хамтлаг дуучдыг бүгдийг нь урьсан байна. Харин тоглолтод Sync, Наран, S4, G-NA, Gee, Grand voice, A cool, дуучин Өлзий, Үг сөрөгчид хамтлаг дуучид ирж ая дуугаа өргөв. Харин Болд, Маралжингоо, Эгшиглэн, Сэрчмаа нар хүрэлцэн ирсэнгүй. Тиймээс яруу найрагч Энхтайван үзэгчдийн өмнө өвдөг сөгдөн уучлал гуйв. Тэрээр “Би та бүхнээсээ уучлал гуйн өвдөг сөгдөж байна. Тасалбар дээр олон хамтлаг дуучдын нэр байгаа боловч хүрэлцэн ирсэнгүй. Сэрчмаагийн ээж бурханы оронд заларсан тул тэрээр ирж чадахгүй хүндэтгэх шалтгаантай. Харин бусад нь ямарч шалтгаангүйгээр ирсэнгүй. Тиймээс та бүхнээсээ уучлал хүсье” гэсэн юм.
Үүнийг сонссон иргэд ирээгүй хамтлаг дуучдад бус Төрийн соёрхолт дуучин Болдод ихэд эгдүүцэв. Тэд “Хамаг олны таашаал болсон хит дуунуудынх үгийг нь Энхтайван бичсэн юм байна. Гэтэл тэр хүн нь анхны бие даасан уран бүтээлийн тоглолтоо хийж байхад ирээгүй байх юм. Яасан хүн чанаргүй юм бэ” гэцгээж байлаа. Дашрамд дурьдахад, Энхтайван өчигдөр тоглолтынхоо үеэр СТА гэх эрхэм цолоор энгэрээ мялаасан билээ.
Сэтгэгдэл (77)