БНХАУ-ын шинэ удирдлагуудыг сонгох Коммунист намын 18 дугаар их хурал өчигдөр Бээжин хотноо эхэлсэн билээ. БНХАУ-ын дарга Ху Зиньтао арга хэмжээг нээж үг хэлэхдээ удирдагч намын гишүүдэд хандан улсын хөгжилд авилга заналхийлж байгаа талаар хэлснийг BBC онцолжээ.

БНХАУ-ын шинэ удирдлагуудыг сонгох Коммунист намын 18 дугаар их хурал өчигдөр Бээжин хотноо эхэлсэн билээ. БНХАУ-ын дарга Ху Зиньтао арга хэмжээг нээж үг хэлэхдээ удирдагч намын гишүүдэд хандан улсын хөгжилд авилга заналхийлж байгаа талаар хэлснийг BBC онцолжээ.

“Иргэн бүрт хамаатай, улс төрийн гол асуудал болсон авилгалтай тэмцэж улс төрийн шударга байдлыг бий болгох нь энэ намын хийх ёстой урт хугацааны үүрэг юм” хэмээн Ху Зиньтао хэлжээ.

Тэрээр “Хэрвээ бид энэ асуудлыг хангалттай шийдвэрлэж чадахгүй бол намд сөрөг нөлөөтэй, бүр намыг задруулж, улс төр унахад хүрч болох юм. Бид авилгалыг устгахын төлөө үргэлж тэмцэх ёстой” хэмээн хэлжээ.
Дэлхийн хамгийн олон хүн амтай, эдийн засгийн хөгжлөөрөө хоёрдугаарт бичигдэж буй үулсын дарга жлс төрийн шинэчлэл хийхээ амласан юм. Гэвч тэрээр “Бид Барууны улс төрийн системийг хэзээ ч хуулахгүй. Бид бэлэн болсон хязгаарлагдмал замаар явахгүй, туг далбаагаа ч өөрчилж алхахгүй” хэмээн хэлжээ.

Ху Зиньтао “Удирдах ажилтнууд, ялангуяа өндөр албан тушаалтнууд өөрийнхөө болон гэр бүл, албан хаагчдынхаа боловсролыг ямагт дээшлүүлж байх ёстой, хэзээ ч албан тушаалаа хэтрүүлэн ашиглаж болохгүй” хэмээн хатуу анхааруулсан байна.

Өнгөрсөн сард “Нью-Йорк таймс” сонин Төрийн зөвлөлийн дэд дарга Вэнь Жибаогийн хөрөнгө 2.7 тэр бум долларт хүрсэн талаар мэдээлж байсан юм.