Монгол Улсын эрүүл мэндийн салбарын талаар судалгаа хийж танилцах, хамтын ажиллагааны чиглэлүүдийг тодорхойлох зорилгоор манай улсад хүрэлцэн ирсэн Их Британи Умард Ирландын Нэгдсэн Вант улсын экспертүүдийн айлчлал дуусаж байгаатай холбогдуулан тэднийг Эрүүл мэндийн сайд Н.Удвал хүлээн авч уулзав.
Сайд уулзалтын эхэнд төлөөлөгчдийн Монгол Улсад хийсэн ажил, судалгаа хэр үр дүнтэй болсон талаар сонсож, тэдний санал, зөвлөмж, дүгнэлтийг сонирхлоо.
Төлөөлөгчид Монголд ажилласан хугацаандаа анхан шатны эмнэлэг, дүүргийн болон төрөлжсөн нарийн мэргэжлийн эмнэлгүүд түүнчлэн ЭМШУИС зэрэг байгууллагуудаар зочилж, эмч, сувилагч, эмнэлгийн ажилтнуудтай үр дүнтэй олон уулзалт, ярилцлагуудыг зохион байгуулсандаа сэтгэл хангалуун байгаагаа илэрхийлээд, Монгол улсын эрүүл мэндийн салбарын өнөөгийн дэд бүтцийг цаашид хөгжүүлэх нь чухал болохыг онцлов. Цаашилбал, эрүүл мэндийн байгууллага хоорондын шууд харилцаа холбоог дэмжих, эмнэлгийн мэргэжилтнүүд, ялангуяа сувилагч нарыг сургах, давтан сургах нь Монгол улсын хувьд чухал ач холбогдолтойг тэмдэглэн хэлэв.

Монгол Улсын эрүүл мэндийн салбарын талаар судалгаа хийж танилцах, хамтын ажиллагааны чиглэлүүдийг тодорхойлох зорилгоор манай улсад хүрэлцэн ирсэн Их Британи Умард Ирландын Нэгдсэн Вант улсын экспертүүдийн айлчлал дуусаж байгаатай холбогдуулан тэднийг Эрүүл мэндийн сайд Н.Удвал хүлээн авч уулзав.
Сайд уулзалтын эхэнд төлөөлөгчдийн Монгол Улсад хийсэн ажил, судалгаа хэр үр дүнтэй болсон талаар сонсож, тэдний санал, зөвлөмж, дүгнэлтийг сонирхлоо.
Төлөөлөгчид Монголд ажилласан хугацаандаа анхан шатны эмнэлэг, дүүргийн болон төрөлжсөн нарийн мэргэжлийн эмнэлгүүд түүнчлэн ЭМШУИС зэрэг байгууллагуудаар зочилж, эмч, сувилагч, эмнэлгийн ажилтнуудтай үр дүнтэй олон уулзалт, ярилцлагуудыг зохион байгуулсандаа сэтгэл хангалуун байгаагаа илэрхийлээд, Монгол улсын эрүүл мэндийн салбарын өнөөгийн дэд бүтцийг цаашид хөгжүүлэх нь чухал болохыг онцлов. Цаашилбал, эрүүл мэндийн байгууллага хоорондын шууд харилцаа холбоог дэмжих, эмнэлгийн мэргэжилтнүүд, ялангуяа сувилагч нарыг сургах, давтан сургах нь Монгол улсын хувьд чухал ач холбогдолтойг тэмдэглэн хэлэв.
Эрүүл мэндийн сайд хариуд нь төлөөлөгчдийн айлчлал үр дүнтэй, сэтгэл хангалуун байгаад баяртай байгаагаа хэлээд ИБУИНВУ нь сувилахуйн тусламж, үйлчилгээ, байгууллагын хөгжил, удирдлагын чадавхийг сайжруулах талаар дэлхийн хэмжээний шилдэг туршлагатай улс хэмээн үздэг хийгээд дээрх чиглэлүүдээр хамтран ажиллах хүсэл эрмэлзлэлтэй байгаагаа онцлон тэмдэглэв.
Уулзалтын үеэр төлөөлөгчид Их Британи улсын эмийн томоохон компани болох Глаксо Смит Клайн компани эмийн салбарт тухайлбал ротавирусын болон пневмококкын эсрэг вакцин нийлүүлэхэд хамтран ажиллахад бэлэн байгаагаа сайдад дуулгалаа.
Төлөөлөгчид өмнө нь хэлэлцэж, төлөвлөсний дагуу Монгол Улсын эрүүл мэндийн салбарын төлөөлөгчдийн 2013 онд Их Британи улсад айлчлах ажлыг үр дүнтэй зохион байгуулахад хоёр талаасаа хамтран ажиллахаар тохиролцож, энэ удаагийн Их Британийн төлөөлөгчдийн баг Монгол Улсад богино хугацаанд маш үр дүнтэй ажиллахад дэмжлэг туслалцаа үзүүлэн, өөрийн биеэр оролцсон Эрүүл мэндийн сайд Н.Удвалд талархал илэрхийлэв.