Сэлэнгэ аймгийн Сүхбаатар Зүүнбүрэн сум Орхон голд осолдсон найман хүнээс 27 настай Саранчимэг найман сартай хүүгийн хамт ОХУ-ын хилийг даван урссан. Тэднийг хайх ажиллагааг одоо хүртэл явуулсан ч олдоогүй байгаа юм. Осол гарах үед иргэд өөрсдөө нэгнийхээ амийг аварсан ОБЕГ-ын бие бүрэлдэхүүн хожимдож ирсэн. Ирээд хүмүүсийг аварч чадаагүй хэмээн ослоос амь үлдсэн хүмүүс болон тэдний ар гэрийнхэн гомдоллож байсан билээ. Тиймээс ОБЕГ-ийн Гамшигтай тэмцэх газрын дарга, хурандаа С.Цогтбаатараар ахлуулсан ажлын хэсгийнхэн ослын үеэр аврах ажиллагаа хэрхэн явуулсан эсэхэд шалгалт хийжээ. Шалгалтаар албаны бэлтгэл муу, дотоод ажлын зохион байгуулалт хангалтгүй байсан аж. Тиймээс тус аймгийн Онцгой байдлын газрын дарга, хурандаа Б.Равдандоржийг ажлаас нь чөлөөлж, түүний оронд ОБЕГ-ын Бодлого, төлөвлөлт, сургалт судалгааны хэлтсийн дарга, хурандаа Б.Ууганбаярыг томилжээ.
Б.Чимэг
Сэтгэгдэл (18)