Өмнөд Солонгосын Кёнгиду, Пажү, Жонгдангмён дахь дархан цаазтай ууланд байдаг бүргэдийн зохиомол үүрэнд өнгөрсөн оны өвлийн эхээр Монголоос ирсэн гурван бүргэд өвөлжжээ. Хоол тэжээлийн дутагдалд орж бага зэрэг гэмтсэн байсан шувуудыг байгаль хамгаалах төвийн ажилтнууд өвлийн турш тэжээн эмчилсэн байна. Тэд Өмнөд Солонгосын нутагт өвөлжөөд өнгөрсөн 3 сард Хятад, Хойд Солонгосоор дамжин Монгол руугаа буцсаныг тэдний хөлд зүүж орхисон GPS-ээр тодруулсан байна.

   Харин эдгээр бүргэдийн нэг нь саяхан ганцаараа Солонгост өвөлжсөн газраа буцаж ирсэн тухай mglradio.com сайт мэдээлжээ. Бүргэд Хятад, Хойд Солонгосын газар нутаг дээгүүр хамгийн ихдээ 4800 м өндөрт,  1700 км зам  туулж өдөрт дунджаар  34км зам нисэж ирсэн  аж. Түүнийг хэрхэн, ямар зам туулж ирснийг GPS-ийн тусламжтайгаар мэдсэн байна.