Байгаль орчин, ногоон хөгжлийн яамнаас 2013 оныг "Мазайлааг хамгаалах жил" болгох санал гаргаж, Засгийн газарт танилцуулахаар болжээ. Өнгөрсөн баасан гарагт болсон тус яамны Төрийн нарийн бичгийн даргын ээлжит хурлаар мазаалайг хэрхэн хамгаалах талаар хэлэлцсэн байна.

   Мазаалай баавгай нь дэлхийд устаж үгүй болсон амьтан бөгөөд зөвхөн манай улсад өнөөдрийн байдлаар  8 эм, 14 эр нийт 22 тоо толгой бүртгэгджээ. Мазаалайг хайрлан хамгаалж, амьдрах орчныг нь сэргээн тусгайлан бэлтгэсэн орчинд гаршуулан үржүүлэх санаачилгыг  Байгаль Орчин, Ногоон хөгжлийн яамнаас гаргах нь зүйтэй гэж уг хурлаас шийдвэрлэсэн байна. Хамгийн түрүүнд яамнаас “Мазаалай хамгаалах“ ажлын хэсэг байгуулж санал боловсруулан Засгийн газарт танилцуулах юм байна. Түүнчлэн  “Мазаалай сан” байгуулж,  гадаад улс орнуудын эрдэмтдийг урьж, нэн ховордсон ан амьтдаа хэрхэн өсгөж үржүүлдэг арга туршлагаас нь судлан хамтран ажиллах бодлого явуулах  юм байна. Хурлаар мазаалайг зоопарктай болох, үндэсний баавгай болгох, мазаалай.mn сайт нээх  олон нийтийн оролцоог идэвхжүүлэх зэрэг олон санал санаачилга гарчээ.