БНСУ-д хөдөлмөрийн гэрээгээр ажиллаж байгаад хугацаандаа нутаг буцаж ирсэн, дахин гэрээгээр ажиллах хүсэлтэй иргэдийг бүртгэлд хамруулан, солонгос хэлний төвшин тогтоох шалгалтыг тестийн аргаар авах болжээ.

Бүртгэлийг Хөдөлмөрийн төв бирж дээр энэ сарын 19-20-ны хооронд зохион байгуулж, шалгалтыг энэ сарын 29-нд авах юм байна. Бүртгүүлэгч нь БНСУ-д ажиллах хугацаандаа багтаж, 2010 оны нэгдүгээр сарын 01-нээс хойш сайн дураараа нутаг буцаж ирсэн байх ёстой гэнэ.

Насны хувьд 18-39 настай, Өмнөд Солонгосоос албадан гаргуулаагүй буюу албадан гаргах арга хэмжээ авахуулж байгаагүй, Монгол Улсаас гарах эрхээ хязгаарлуулаагүй иргэд бүртгэлд хамрагдах боломжтой юм байна.