Орон нутгийн сонгуультай холбогдуулан цагдаагийн байгууллагад энэ сарын 15-наас 20-ны өдрүүдэд аймаг, сум, дүүргийн Иргэдийн төлөөлөгчдийн хурлын ээлжит сонгуулийн үйл ажиллагаатай холбоотой нийт 366 гомдол, мэдээлэл иржээ.
    Орон нутгийн сонгуультай холбогдуулан цагдаагийн байгууллагад энэ сарын 15-наас 20-ны өдрүүдэд аймаг, сум, дүүргийн Иргэдийн төлөөлөгчдийн хурлын ээлжит сонгуулийн үйл ажиллагаатай холбоотой нийт 366 гомдол, мэдээлэл иржээ.

    Ирүүлсэн гомдол, мэдээллийн 236 орон нутгийн цагдаагийн газар, хэлтэст, 130 нь Нийслэлийн цагдаагийн газрын харьяа дүүргийн цагдаагийн хэлтсүүдэд ирсэн байна.

    Тус мэдээллүүдийг шалгахад, Монгол Улсын Эрүүгийн хуулийн 111-р зүйл “Гүтгэх”, 130-р  зүйл “Иргэн сонгуулийн эрхээ эдлэхэд болон сонгуулийн хорооны ажилд саад хийх” гэсэн  гэмт хэргийн шинжтэй хоёр гомдол, мэдээлэлд эрүүгийн хэрэг үүсгэн шалгаж, 61 гомдол, мэдээлэлд эрүүгийн хэрэг үүсгэхээс татгалзаж,  хуульд заасны дагуу 73 гомдол, мэдээллийг харьяаллын дагуу шүүхэд шилжүүлсэн байна.
    Энэ өдрүүдэд цагдаагийн байгууллага сонгуулийн үйл ажиллагаатай холбоотой 364 захиргааны зөрчлийг бүртгэн шалгаж шийдвэрлэжээ.

    Түүнчлэн сонгуулийн санал хураасан /арваннэгдүгээр сарын 21-ний/ өдөр сонгуулийн үйл ажиллагаатай холбоотой 40 мэдээлэл ирснийг харьяалах цагдаагийн хэлтэс, албан тушаалтанд шилжүүлэн шалгасан бол Мөрдөн байцаах газарт сонгуулийн үйл ажиллагаатай холбоотой хэрэг, зөрчил, түүний шийдвэрлэлтийн тухай 32 мэдээллийг төв, орон нутгийн цагдаагийн газар, хэлтсээс ирүүлжээ.