24tsag.mn фэйслүүк үргэлжилж байна. Энэ удаа жүжигчин, дуучин, шүлэгч, улстөрч, уран илтгэгч гэх мэт цадиггүй авьяас бүхнийг энэ биедээ авсан МУГЖ, төрийн шагналт Д.Сосорбарамын фото түүхийг хүргэж байна.
Удам:
Баянхонгор аймгийн Баян-Овоо сумын уугуул Сосорбарамын удам судар
гэвэл "Булуу" Сандаг гэнэ. Булуу Сандагийн хүү "Дэгээ" Ламжав долоон
эхнэртэй хийморьтой эр байж. Нутаг хошууныхан нь тэр хүний буяныг ч
дуусахгүй, нүглийг яриад ч барахгүй гэдэг байсан гэнэ. Тэр долоон
эхнэрийн нэгнээс нь гарсан охины хүүхэд Сосорбарам. Өвөөгөөрөө
овоглодог сөөсгөр хүү зурган дээр харагдана. Д.Сосорбарамыг төрсөн эцэг
эхийнхээ дундаас ганцаараа гэж болно. Цус нэгтэй дүү нар гэвэл долоо,
наймуул, яс нэгтэй дүү нар гэвэл долоо наймуулаа хүн. Бас яг амь нэгтэй хоёр дүүтэй.
Оюутан цаг: Тухайн үеийн УБДС-ийн жүжигчний ангийн оюутнууд. Алдартай жүжигчин болох оргилуун хүсэлтэй залуу 14 жилийн дараа МУГЖ гэж цоллуулаад тайзан дээр зогсож байхаа мэдэж байсан болов уу?
.
Кино бүтээл: Д.Сосорбарам дэлгэцийн арав гаруй кинонд тогложээ. 1992 онд П.Цогзолын найруулсан "Чи нэг нь" киноны зураг авалтын үеэр. Мөн ч залуухан байж дээ.
Д.Мөнхбат, Ц.Элбэгээгийн хамтаар: 90
оны эхээр Баянхонгор аймгийн МАХН-ын хорооноос "Манай аймгаас хоёр
хүүхэд МоАХ гэдэг бүтэлгүй зүйл байгуулаад төр засагтай тэрсэлдээд
байна. Тэр дунд танай хүү Сосорбарам явна. Очиж болиул" гэж аавд нь
тушаажээ. Аав нь хүүгээ болиулах гэж хотод ирээд "боль" гэж хэлж
чадалгүй хэд хоноод буцаж байсан гэдэг. Харин одоо Сосорбарамынхан бүгд
Ардчилсан намын улаан фэн. Одоо ч тэр АН-ын үйл ажиллагаанд идэвхтэй
оролцдог.
Зүүн гар талаас аав Дамдинсүрэн, Гэргий Б.Нинжбадгар, ээж Чимэдцэрэн, төрийн соёрхолт Д.Сосорбарам, залуу аав Чимэддорж. Дамдинсүрэн гэх энэ хүн гавьяатын
ээжтэй ханилан сууж байсан бөгөөд багад нь салсан юмсанж. Тийм учраас
Со гавьяат хойд эцэг Чимэддоржоо залуу аав гэж авгайлан дуудна. Харин Со гавьяат өвөөгөөрөө овоглож тэдний амьдралын философийг хонины сүүл адил хөхөж хүмүүжсэн гэж ярих дуртай билээ.
Ганц хүний театр: Тэр 9 жил УДЭТ-д жүжигчнээр ажилласан. Харин 1992 онд Р.Чойномын нэрэмжит "Од" ганц хүний театрыг байгууллаа. Со ганц хүний театрын уран бүтээлээрээ билэг танхай яруу найрагч Р.Чойномын шүлгүүдийг амилуулсан юм. Р.Чойном Д.Сосорбарам хоёр бэлэг танхай, омголон, дэврүүн, зоримогоороо адилхан ч юм шиг. "Нүцгэн биеийг алдаршуулъя" шүлэг Р.Чойном, Д.Сосорбарам хоёрыг хоёуланг нэгэн цагт алдаршуулсан юм.
Увертюрагийн дүү нар: Хүний арга олдог, хэл ам дорхноо нэвтрэлцдэг, хашир,
хийгүй... Ёстой тайзан дээр байдаг шигээ хүмүүстэй нээлттэй харилцдаг гэж түүнийг
ярьдаг.
Танил хүмүүс: ММ агентлагийн захирал С.Батзаяагийн хамтаар.
Дээл: Түүний
гол гангараа дээл. Тэрээр ямар ч үйл ажиллагаанд үндэсний
хувцасаараа л гангарч ирдэг. Үүнээс хойшхи зурган дээр тэр дандаа
дээлтэй гарна.
Цадиггүй авъяас: Тэр бас дээлтэйгээ дуулна, жүжиглэнэ, уран илтгэнэ, улс төр хийнэ. Цадиггүй авъяас бүхэн нэгэн биед заяасан гэлтэй.
Гангараа: Сайн морь сайхан эдлэл ч бас түүний гангараа.
Чингис хааны дүр: УГЗ
Л.Эрдэнэбулган найруулагч "Үхэж үл болно Чингис хаан" кинондоо Со-г
Чингис хааны дүрд тоглуулна гэж эртнээс бэлдүүлж байгаад гэнэт шийдвэрээ өөрчилсөн нь түүнд хүнд цохилт болж байсан гэдэг. Тэрээр Чингис хааны дүрд тоглох гэж үс сахлаа хүртэл ургуулж байсан юм.
Төрийн шагнал: Түүнийг "Үзэл бодолдоо үнэнч явсны төлөө, "Атга нөж" жүжгийн Чингэс хааны дүр бүтээсэн, "Үлэмжийн чанар" концерт тавьсных нь төлөө төрийн шагналыг өгсөн юм.
Эхнэрийн яриа: Түүний эхнэр Б.Нинжбадгар нөхрийнхөө тухай ярихдаа "Зарим хүн Со-г Чингис хаан гэж боддог шиг байгаа юм. Энэ хүн чинь ач
нараа харахаар алийгаа алдаад мөлхөнө. Юу ч болоогүй байхад уйлна" гэжээ.Б.Нинжбадгар гуай ч бас жүжигчин хүн.
Номын найз: Түүний номын өргөөнд Маншир бурхнаас эхлээд эхнэр хүний үсний хавтага хүртэл байдаг гэнэ лээ. Со өөрөө ч мэдэхгүй хайрцаг цуглуулах хоббитой гэнэ. Төрөл бүрийн хайрцаг өрөө бүхэнд байх жишээтэй. Мөн Со завилж суугаад ном уншдаг ширмэл ширдэг, жижиг ширээтэй. Түүний номын өргөөнд Б.Ринчен, найруулагч И.Доржсамбуу, жүжигчин Цэвээнравдан нарын хөрөг өлгөөстэй байдаг гэдэг.
Монгол ёсолгоо: Түүнийг
Монгол ёсолгоог энэ цагт дэлгэрүүлсэн хүн гэдэг. Ерөнхийлөгч ч үүнийг
нь дэмжиж Монгол ёсолгоогоороо ёслохыг ард нийтдээ уриалсан.
Олон дүр: Чингэс хаан шиг омог бардам, Дулдуйтын Равжаа шиг билэг танхай, "Илүү сартай зун"-ы Галаа шиг гэнэн цайлган зан, ааш авирууд түүнд бий.
Зургийг шог зураач Цогтбаяр. Тэр үнэхээр Монголын V.I.P
Алдартнууд: МУГЖ Б.Сарантуяа, зохиолч Б.Шүүдэрцэцэг, шог зураач Б.Цогтбаяр нарын хамтаар. Со бас л дээлтэйгээ.
Олон дүр: Чингэс
хаан шиг омог бардам, Дулдуйтын Равжаа шиг билэг танхай, "Илүү сартай
зун"-ы Галаа шиг гэнэн цайлган зан, ааш авирууд түүнд бий.
Т.Хулан
Сэтгэгдэл (129)