Орон нутгийн сонгуулийн албан ёсны дүн гарч, аймгуудын шинээр сонгогдсон ИТХ дарга, засаг даргаа сонгохоор яаравчилж байна. Дорнод аймгийн ИТХ-ын 6 дахь удаагийн сонгуулийн анхдугаар хуралдаан өнөөдөр 09 цагт эхэллээ. Шинэхэн сонгогдсон төлөөлөгчид анхны хуралдаанаа 100 хувийн ирцтэй эхэлсэн байна.

   ИТХ-ын шинэ даргыг томилох хүртэл хуралдааныг хамгийн ахмад төлөөлөгч болох Б.Өлзийбаян удирдан явуулж байна. Төлөөлөгчид хурлын дэгээ хэлэлцэн баталсан бөгөөд мөн аймгийн ИТХ-ын даргаа сонгожээ. Дорнод аймгийн ИТХ-ын даргаар Р.Зоригтбаатарыг олонхийн саналаар сонгожээ. Одоо аймгийн шинэ засаг даргыг сонгохоор хуралдаж байна. Хуралдааныг аймгийн хэвлэл мэдээллийн хэрэгслүүд шуурхай дамжуулж байгаа юм.


Р.Зоригтбаатарын танилцуулга:

Төгссөн сургууль:
УБИС-ын БТДС, Удирдлагын академи

Боловсрол мэргэжил:
Дээд, багш-дасгалжуулагч,
Нийгмийн удирдлагын менежер,
Боловсролын магистр

Ажилласан байдал:
1983-1986 онд Улсын шигшээ багийн тамирчин,
1986-1988 цэргийн албан хаагч,
1989-1990 онд багш,
1994-2000 онд аймгийн БТСХороонд дасгалжуулагч,
2000-2004 онд аймгийн БТСХорооны дарга,
2004-2005 аймгийн ЗДТГ-ын мэргэжилтэн,
2005-2009 онд Хэрлэн сумын Засаг даргын орлогч,
2007-2010 онд Дорнод аймаг дахь ХАҮТанхимын Ерөнхийлөгч,
2010 оноос Дорнод аймаг дахь ХАҮТанхимын дарга

Гавъяа шагнал:
Аймгийн тэргүүний ажилтан цол тэмдэг, Эрүүл мэндийн яамны жуух бичиг, БТС-ын Тэргүүний ажилтан цол, тэмдэг, Ардын хувьсгалын 80 жилийн ойн медаль, Их Монгол Улс байгуулагдсаны 800 жилийн ойн медаль, Хөдөлмөрийн хүндэт медаль

Сонгуульт ажил:
2004-2008 онд аймгийн ИТХ -ын тэргүүлэгч, төлөөлөгч, 2008 оноос аймгийн ИТХ-ын тэргүүлэгч, төлөөлөгч, аймгийн МАХН-ын тэргүүлэгч гишүүн, Монголын Үндэсний Олимпийн хорооны гишүүн, МҮХАҮТанхимын Зөвлөлийн гишүүн, Талын ургац тариаланчдын холбооны тэргүүн.