МАХН-ын дарга, ерөнхийлөгч асан Н.Энхбаярын авлигын хэргийг маргааш Улсын дээд шүүх хэлэлцэхээр товлоод байгаа. Тэгвэл Н.Энхбаярыг суллахыг уриалсан "Ард түмний Ерөнхийлөгчөө аваръя” хөдөлгөөнөөс өнөөдөр аянд нэгдсэн 100.000 гаруй мянган хүний гарын үсгийг 5 хуваан албан тушаалтнуудад хүргүүлэхээр болжээ. Тэд Н.Энхбаярыг суллахыг уриалж, дэмжсэн иргэдийн гарын үсгийг Ерөнхийлөгч Ц.Элбэгдорж, Ерөнхий Прокурор, дээд шүүхийн Ерөнхий зөвлөл, Сүхбаатар дүүргийн шүүх, НҮБ-ын хүний эрхийн хороо зэрэг байгууллагуудад илгээх аж. Учир нь тэд маргааш болох шүүх хурлын шийдвэр, үйл ажиллагаанд дээрх албан тушаалтан, байгууллагуудаас улс төрийн ямар нэгэн нөлөөлөл үзүүлэхгүй байхыг хүсч байгаа аж. "Ард түмний Ерөнхийлөгчөө аваръя” хөдөгөөнийхөн яг одоо энэ хүсэлтээ Ерөнхийлөгч Ц.Элбэгдоржид өгөхөөр Төрийн ордон руу явжээ. Дараа нь бусад байгууллагуудад нэгэн зэрэг уг хүсэлтээ иргэдийн гарын үсгийн хамт гардуулах юм байна.