Орос улсын олон үндэстний бөхийн 7 дахь удаагийн их наадам Москвад болжээ. Уг их наадам орос барилдаан, татар-башкир бөх, Кавказын ард түмнүүдийн бөх, буриад-монголын үндэсний “бухэ-барилдаан” зэрэг төрлөөр болсон тухай Оросын хэвлэлд бичсэн байна.
Буриад бөхийн барилдаан 70 кг, 80 кг, +80 кг гэсэн жингийн ангиллаар явагджээ. Монгол, Буриад, Халимаг, Тува, Дагестан, Кабардин-Балкар зэрэг олон газрын бөхчүүд тэмцээний талбайд дэвэн дэвсээр гарч иржээ. 70 кг жинд Орос улсын биеийн тамир, спорт залуучууд, аялал жуулчлалын их сургуулийн 4 дүгээр дамжааны оюутан Алдар Доржиев (Буриад) түрүүлсэн бол 80 кг-д Тувагийн Ай-Чурек Дувендейг барах бөх байсангүй. Харин +80 кг-ийн жинд анх удаа Дагестаны бөх монгол үндэсний бөхөөр түрүүлжээ. Алдар Доржиевын ангийн анд Магомед Гасанов үзүүр түрүүнд ОХУ-ын Алтайн хязгаарын Берик Даутовыг өвдөг шороодуулснаар аварга болсон байна.

Орос улсын олон үндэстний бөхийн 7 дахь удаагийн их наадам Москвад болжээ. Уг их наадам орос барилдаан, татар-башкир бөх, Кавказын ард түмнүүдийн бөх, буриад-монголын үндэсний “бухэ-барилдаан” зэрэг төрлөөр болсон тухай Оросын хэвлэлд бичсэн байна.
Буриад бөхийн барилдаан 70 кг, 80 кг, +80 кг гэсэн жингийн ангиллаар явагджээ. Монгол, Буриад, Халимаг, Тува, Дагестан, Кабардин-Балкар зэрэг олон газрын бөхчүүд тэмцээний талбайд дэвэн дэвсээр гарч иржээ. 70 кг жинд Орос улсын биеийн тамир, спорт залуучууд, аялал жуулчлалын их сургуулийн 4 дүгээр дамжааны оюутан Алдар Доржиев (Буриад) түрүүлсэн бол 80 кг-д Тувагийн Ай-Чурек Дувендейг барах бөх байсангүй. Харин +80 кг-ийн жинд анх удаа Дагестаны бөх монгол үндэсний бөхөөр түрүүлжээ. Алдар Доржиевын ангийн анд Магомед Гасанов үзүүр түрүүнд ОХУ-ын Алтайн хязгаарын Берик Даутовыг өвдөг шороодуулснаар аварга болсон байна.
-Буриад бөх анхаарал, тэвчээр, өрсөлдөгчөө хуурах гээд олон чанар шаарддаг. Бас бууз их чухал. Барилдахынхаа өмнө би хэдэн бууз үмхсэн. Хүч орсон байх гэж дагестан оюутан ярьжээ.
Уг мэдээг бичсэн Наталья Тулаевагийн мэдээлж буйгаар буриад үндэсний бөхийг Москвад улам олон хүн мэддэг болж байгаа юм байна. Оросын нийслэлд эрийн гурван наадам тогтмол зохиогдож, Улаан талбай дээр бөх барилдуулж байсан удаатай гэж мэдээнд дурджээ.