Тамхины  хяналтын тухай хуульд 2012 оны аравдугаар сарын 24-д нэмэлт  өөрчлөлт оруулсан. Тэгвэл энэхүү хуулийн өөрчлөлтийг 2013 оны гуравдугаар сарын 1-нээс мөрдөж эхэлнэ. Тиймээс иргэд та бүхэн тамхины хяналтын хуулийн талаарх мэдээлэл хангалттай авч чадсан уу?

21 нас хүрээгүй залууст тамхи худалдахыг хуулиар хорилоо. Мөн гудамж талбайд зогсон эсвэл ТҮЦ -нд ширхэглэн худалдахыг ч  хязгаарласан. Ерөнхий боловсролын сургуулийн байр, дотуур байрнаас 500 метрийн зайнд, интернэтээр, баар, цэнгээний газар  ч тамхи зарахыг хуулиар хориглосон байгаа. Тамхины хяналтын тухай хуулийг иргэд зөрчвөл 50000 төгрөгийн торгууль төлнө. Албан тушаалтан хууль сахин мөрдөөгүй бол хөдөлмөрийн хөлсний доод хэмжээг 10-25 дахин нэмэгдүүлсэнтэй тэнцэх хэмжээний мөнгө барагдуулна. Албан байгууллага биелүүлээгүй бол хөдөлмөрийн хөлсний доод хэмжээг 25-50 дахин нэмэгдүүлсэнтэй тэнцэх хэмжээний төлбөр төлж хариуцлага хүлээх юм.