Уран нугараач, циркийн урлагт 27 дахь жилдээ ажиллаж, Эх орныхоо нэрийг олон улсын тавцанд цуурайтуулж яваа залуу уран бүтээлч МУГЖ Э.Лхагва-Очир Налайх дүүргийн 43 дахь ХҮНДЭТ ИРГЭН боллоо.
МУГЖ Э.Лхагва-Очир нь 1987 онд Налайх дүүрэгт төрж өсөн, 9 настайгаасаа Ардын жүжигчин, Төрийн соёрхолт Т.Цэнд-Аюуш багшийн гарын шавь болон уран нугаралт, тэнцвэрийн урлагаар хичээллэж эхэлсэн.
МУГЖ Э.Лхагва-Очир нь Монгол улсаа төлөөлж 30 орны 300 гаруй хотоор 10 мянга орчим тоглолтыг толилуулсан байна.
Монакогийн олон улсын циркийн сургуулиудын 16 дахь удаагийн "Première Rampe" тэмцээний Хүрэл цомын эзэн
”Хюэ" олон улсын соёлын наадмын тусгай шагналт
Олон улсын циркийн Алтан цомын эзэн
Итали, Лиана Орфейн нэрэмжит олон улсын циркийн 29 дэх удаагийн мөнгөн цомын эзэн
Франц, Гренобль, Овернь-Рона-Альп Изерийн циркийн 23 дахь удаагийн наадмын “Golden Star" шагналт гээд түүний алдар гавьяаг тоочоод баршгүй юм.
МУГЖ, Налайх дүүргийн ХҮНДЭТ ИРГЭН уран нугараач Э.Лхагва-Очир, УИХ-ын Гишүүн С.Амарсайхан нар суралцаж төгссөн “Эрдмийн Оргил” Цогцолбор сургуулийн хүүхэд багачуудтай уулзаж, халуун дотно яриа өрнүүллээ.
