УИХ-ын сонгуулиар олонхи болж чадалгүй эвсэл байгуулсан АН хүчээ нэмэхийг эрмэлзэж байгаа билээ. Саяхан МАН-ын гишүүн Д.Арвин АН-ын бүлгийн гишүүн болж шуугиан тариад авсан. Тэгвэл өчигдрөөс АН-ын удирдлагууд бие даагч гишүүдийг өөрсөддөө урвуулж эхэлсэн тухай яриа тархаж эхлээд байна. Учир нь УИХ-ын гишүүн Х.Болорчулууны дүү "Монрос"-ын захирал болсон бол Ц.Даваасүрэн гишүүний дүү Татварын ерөнхий газрын дэд даргаар томилогдсон байна. Ийнхүү хамаатан, садангаа төрийн албанд "шахлаа" гэж шүүмжлүүлж байгаа АН-ынхан бие даагчдыг урвуулахын тулд ах, дүү нарыг нь өөд нь татаж эхэлжээ. Харин "би ямар ч албан тушаалдаа амаа бариулахгүй" гэдэг С.Ганбаатар гишүүн яасан бол? Түүний төрсөн дүү С.Гантуяа "Оюутолгой" ХХК-наас хууль бусаар халагдсан хэмээн шүүхдэж байгаа билээ. Ямартаа АН-ынхан МАН, МАХН-ыг гуйхгүй, шууд чуулганы ирцээ бүрдүүлээд асуудлаа хэлэлцэж, шийддэг болохын тулд бие даагч гишүүдийг урвуулж эхэлжээ.