МАХН-ын дарга Н.Энхбаярыг суллуулахаар 100 ээж өлсгөлөн зарлахаа мэдэгдсэн. Харин өнөөдрийн байдлаар таван ээж өлсгөлөнгөө эхлүүлээд байгаа юм. Тэд МАХН-ын байрны хоёрдугаар давхарт өлсгөлөн зарлаж эхэлсэн билээ. Уг ээжүүдтэй МАН-ын дарга Ө.Энхтүвшин уулзжээ.
    МАХН-ын дарга Н.Энхбаярыг суллуулахаар 100 ээж өлсгөлөн зарлахаа мэдэгдсэн. Харин өнөөдрийн байдлаар таван ээж өлсгөлөнгөө эхлүүлээд байгаа юм. Тэд МАХН-ын байрны хоёрдугаар давхарт өлсгөлөн зарлаж эхэлсэн билээ. Уг ээжүүдтэй МАН-ын дарга Ө.Энхтүвшин уулзжээ.
   
    Тэрээр улстөрийн ямар нэгэн зорилгоор бус хувь хүн талаасаа хүн чанар гарган уулзаж байгаа юм байна. Учир нь Н.Энхбаярын төлөө ээжүүд өлсгөлөн зарлаж байгааг мэдсэн Ө.Энхтүвшингийн ээж хүүгээ ихэд зэмлэжээ. Түүний ээж “Ээж шиг чинь хүмүүс өлсгөлөн зарлаад сууж байна. Тэднийг өрөвдөх хэрэгтэй хүн чанар сэтгэл гарган уулзах хэрэгтэй” гэсэн байна. Тиймээс МАН-ын дарга Ө.Энхтүвшин өлсгөлөн зарлаж буй ээжүүдтэй уулзаж, учир байдлыг нь сонсож, нөхцөл байдалтай танилцсан аж.

    Ө.Энхтүвшин МАХН-ын дарга Н.Энхбаярыг эмнэлэгт хоригдож байхад мөн уулзаж байсан билээ. Энэ талаараа "Бид хамтдаа маш их зүйлийг туулсан хоёр шүү дээ. Бидний дунд итгэл, үл итгэл, тэгээд дахин итгэл ч байлаа. Хүмүүсийн явуулгаар хоорондын харилцаанд ан цав үүсэж, түр тар гэх үе байсан ч намаа гээд хамтарч ажиллаад явж л байж. Өнөөдөр тэр хүн ялтан болчихлоо. Хурал нь мэтгэлцээнгүй, хэрэг нь хохирогчгүй, нэхэмжлэгчгүй, хангалттай үндэслэл, нотолгоогүй сонин шүүх ажиллагаа болж өнгөрлөө гээд хүмүүс шуугиад байна. Энэ талаар шүүх олон түмэнд маш тодорхой хариулт өгөөсэй гэж бодох юм. Хүнийг ямар нэг хэлбэрээр хэлмэгдүүлэх вий гэдгээс Монголын төр, улс төрийн хүчнүүд үргэлж сэрэмжлэх ёстой" гэж тайлбарлаж байсан билээ.

    Мөн Н.Энхбаярыг Ө.Энхтүвшинг намын дарга болоход баяр хүргэн утасдаж байсан юм.
МАН, МАХН-ын хоёр дарга үл итгэлцэж байснаа больж, дахин ойр дотно байх болсныг МАН-ын дарга Ө.Энхтүвшингийн үйлдэл өнөөдөр дахин баталлаа.