Зайсангийн дамжин өнгөрүүлэх 401 дүгээр ангийн нэгдсэн эмнэлэгт хэвтэн эмчлүүлж буй МАХН-ын дарга Н.Энхбаярыг суллуулахаар 100 ээж өлсгөлөн зарлахаа мэдэгдсэн. Харин өнөөдрийн байдлаар байдлаар таван ээж өлсгөлөн зарлаж эхлээд байгаа юм.
    Тэд “Эхийн сүүгээрээ даллая. Энэ муухай харгислалаа зогсоо” гэсэн уриатайгаар МАХН-ын Төв байрны хоёрдугаар давхарт өлсгөлөнгөө эхлүүлсэн" билээ. Өлсгөлөн зарлаж буй ээжүүд суурь өвчтэй болох нь эрүүл мэндийн үзлэгээр илэрсэн тул өлсгөлөн зарлах боломжгүй хэмээн үзсэн ч тэд Н.Энхбаярыг суллуулна хэмээн өлсгөлөнгөө эхлүүлсэн юм.
    Үлдсэн ээжүүд нь ээлж дараагаараа МУ-ын Ерөнхийлөгч Ц.Элбэгдоржийн гэрийн гадна, Улсын ерөнхий прокурор Д.Дорлигжавын гэрийн гадна, Нийслэлийн прокурорын газрын Ял эдлүүлэх ажиллагаанд хяналт тавих хэлтсийн дарга Ц.Мөнхбатын гэрийн гадна, Төрийн ордны гадна, Улсын болон Нийслэлийн прокурорын гадна, Хэлмэгдэгсдийн хөшөө, ШШГЕГ-ын гадна, Зайсангийн дамжин өнгөрүүлэх хорих 401 дүгээр ангийн гадна хуваагдан, өлсгөлөнгөө     үргэлжлүүлнэ гэж байгаа юм.
    Харин өнөөдрийн байдлаар өлсгөлөн зарлахаар 216 ээж бүртгүүлсэн байна. Тиймээс тэднийг эрүүл мэндийн үзлэгт оруулж, шинжилгээ авах ажиллагааг хийж эхэлжээ.