МАХН-ын дарга Н.Энхбаярыг суллуулахаар өлсгөлөн зарлаад буй ээжүүдтэй МАН-ын дарга Ө.Энхтүвшин өнөөдөр уулзсан. Тэрээр ээжүүдтэй уулзсан шалтгаанаа ээж маань “Эхчүүд ингээд сууна гэдэг юу гэсэн үг вэ. Эх хүн гэдэг ийм л байдаг юм, тэгэхээр тэр хүмүүстэй уулз” гэсэн. Би ч гэсэн уулзая гэж бодож байсан. Тэр үүднээсээ ирж уулзаад, юуны төлөө өлсгөлөн зарлаж, суулт хийж байгааг тодрууллаа.
“Н.Энхбаярыг II эмнэлэгт шилжүүлэн хэвтүүлэх хүртэл бид өлсгөлөнгөө зогсоохгүй” гэж биеийг нь эмчлүүлээч гэдэг шаардлага тавьж байгаа юм байна. Энэ бол хүлээж авахааргүй шаардлага биш байна.
Түүнээс тэр хүнийг цагаатга, гэмгүй гэдгийг нотол гэсэн шаардлага тавиагүй, эрүүл мэндийг нь хамгаалж, эмчлүүлэхэд төр засаг анхаараач гэж байгаа юм байна. Тэгэхээр тэр хүний эрүүл мэндийн төлөө анхаарал хандуулах ёстой. Тэгэх ч хэрэгтэй.
Би өнгөрсөн жилийн зургаадугаар сард намын бүлгийн дарга байхдаа “Энэ хүний эрүүл мэнд рүү анхаарах ёстой шүү. Монгол хүний эрүүл мэнд рүү Монголын төр засаг анхаарал хандуулах хэрэгтэй” гэж хэлж байсан. Одоо ч гэсэн тэр үгээ хэлж байна. Би энэ асуудлыг УИХ-д, Монгол Улсын Ерөнхийлөгч, Засгийн газарт тавих болно. Шаардлагыг бол буруу гэж үзэхгүй байна” гэлээ.
Б.Чимэг
Сэтгэгдэл (27)