Гадаад нөхөртөө охиноо алдсан гэх загвар өмсөгч Т.Аятунгаагийн талаарх дахин нэг шинэ баримт дэлгэгдлээ.
    Гадаад нөхөртөө охиноо алдсан гэх загвар өмсөгч Т.Аятунгаагийн талаарх дахин нэг шинэ баримт дэлгэгдлээ. Түүний нөхөр Чарльз Эдвард өөрийн фейсбүүкт Т.Аятунгаагийн талаарх баримтуудыг дэлгэж буй. Өнгөрсөн хагассайн өдөр тэрээр өөрийн охины эсэн мэнд өсөн торниж буй зургуудийг нийтэлсэн. Харин өчигдөр Т.Аятунгаа Филиппиний шүүхээр ямар учраас шүүгдэж байсан, хүүхэдтэйгээ хэрхэн харьцаж байсан талаар бичиж үлдээжээ.

    Чарльз Эдвард “Т.Аятунгаа охин Ч.Тэргэлсарыг хөнөөхийг завдсан хэргээр баривчлагдаж байсан. Тиймээс хүүхдийнхээ эсрэг хүч хэрэглэж, гэр бүлийнхээ хүнээ хөнөөхийг завдсан хэргээр шүүхэд дуудагдсан. Ч.Тэргэлсарыг эмнэлэгт үзүүлэхэд биед нь гэмтэл учирсан байсан учраас Т.Аятунгаад Филиппин улсын хуулийн дагуу 7610 дугаар зүйл ангиар хэрэг үүсгэж, шүүх хурал нь болсон. Т.Аятунгаа ер нь сэтгэл санаагаар унасан үедээ ихэнхдээ архи уудаг. Архи уусан үедээ ямарч гэмтэлгүй Ч.Тэргэлсарыг газар луу шидсэн. Дараа нь эмнэлэгт надтай муудалцаж, миний түүнд авч өгсөн iPhone 5-ыг эвдэлсэн” хэмээн бичжээ.

    Мөн тус зүйл ангид хүүхдийн эсрэг гэмт хэргийн талаар хэрхэн тодорхойлсон байдгийг үзэхийг хүсвэл дараах линкээр орж үзнэ үү хэмээн http://www.chanrobles.com/republicactno7610.html тус линкийг үлдээжээ.

    Түүнчлэн “Монголд түүний гэмт хэргийн шинжтэй үйлдлийг эрэн сурвалжилж байгаа хүн байна уу?” гээд

110-р зүйл. Бусдыг гүтгэн доромжлох. Бусдыг хэвлэлийн мэдээллийн хэрэгслээр дамжуулан нэр төрд нь халдсан бол хөдөлмөрийн хөлсний доод хэмжээг 20-50 дахин нэмэгдүүлсэн мөнгөөр торгох эсвэл 1-3 сар хорьдог.

110-р зүйл. Гүтгэх. Бусдын талаар буруу, худал мэдээлэл цацсан бол хөдөлмөрийн хөлсний доол хэмжээг 20-50 дахин нэмэгдүүлсэн мөнгөөр торгох эсвэл 1-3 сар хорьдог.
Хэрэв онц ноцтой гэмт хэрэг хийсэн хэрэгт буруутган гүтгэсэн бол хөдөлмөрийн хөлсний доод хэмжээг 151-250 дахин нэмэгдүүлсэнтэй тэнцэх мөнгөөр торгох эсвэл 2-5 жилийн хорих ял оноохоор заасан байдаг тус улсын хуулийн заалтыг бичсэн байна.

    Гадаад харилцааны яамнаас Т.Аятунгааг хүүхэдтэйгээ ёс бус харьцсан хэмээн тус улсын шүүхээр орж байсан хэмээх мэдээлэл өгсөн ч шүүх хурлын шийдвэрийн талаарх мэдээллийг өгөхөөс татгалзаад байгаа билээ.

    Харин Т.Аятунгаа өөрийгөө охиноо алдсан хохирогч хэмээн мэдэгдээд байгаа юм. Тэрээр өнгөрсөн арваннэгдүгээр сарын 5-ны өдөр Чарльз Эдвард охинтойгоо гарчихаад ирнэ гээд эргэж ирээгүй гэсэн юм.

Т.Аятунгаатай холбоотой мэдээллийг уншвахыг хүсвэл доорх холбоотой мэдээний линкээр орж үзнэ үү.