Монголын хорихуудад өнөөдрийн байдлаар 8000 гаруй хоригдол хоригдож байгаа гэсэн тоо байдаг аж. Үйлдсэн гэмт хэргийн хувьд харилцан адилгүй ч тэдэнд ял эдэлж байх хугацаандаа тодорхой эдлэх эрхүүд бèй. Тухайлбал, ялтан өдөртөө тодорхой хугацаанд нар, салхинд гарах эрхтэй. Ингэснээр хоригдлуудын биеийн байдлыг хэвийн байлгахад тустай төдийгүй, сэтгэл санаанд ч сайнаар нөлөөлдөгийã мэргэжлийн хүмүүс хэлдэг.

  Тэгвэл ялтан гэх нэрийг зүүснээсээ хойш эл эрхээ эдэлж чадаагүй ганц хоригдол нь Н.Энхбаяр гэнэ. Түүнийг хорьсоноос хойш дамжин өнгөрүүлэх 401 дүгээр хорих ангиас хуучнаар Ганц худаг руу, дараа нь Ганц худгаас 401, 401-ээс Хоёрдугаар эмнэлгийн хооронд зөөснийг эс тооцвол ямар нэг байдлаар нар салхинд гаргаагүй байна. Ялангуяа, Н.Энхбаярын биеийн байдал муудаж, эсийн задрал гэсэн оношоор Mонголд эмчлүүлэх боломжгүй болчихоод байгаа нь ч нар салхи үзүүлэлгүй нааран дээр нь хорьсонтой холбоотой байхыг үгүйсгэхгүй байгаа аж.

   Н.Энхбаярын биеийн байдлын талаарх дүгнэлтдээ Хоёрдугаар эмнэлгийн эмч нар нар салхинд гаргахыг зөвлөсөн байдаг ч хараахан хэрэгжээгүй байгаа аж. Хүний эрхийн чиглэлээр мэргэшсэн мэргэжилтнүүд болоод Н.Энхбаярын намынхан эл байдлыг, “Монголын нийгэм дэх хамгийн аймшигтай харгислал” гэж тодорхойлж байгаа бололтой.