Авлигатай тэмцэх газар их, дээд сургуулийн оюутнуудын дунд эрдэм шинжилгээний бага хурал зарлажээ. “Авлигатай тэмцэж, шударга ёсыг тогтоон бэхжүүлэх нь: Асуудал ба шийдэл” сэдвээр МУИС, МУБИС, ШУТИС, ЭМШИУС, СЭЗДС, Дотоод хэргийн их сургуулийн оюутны холбоо хамтран зохион байгуулж байгаа гэнэ. АТГ-ын “Шударга ёсны төлөө 2011” арга хэмжээний хүрээнд уг хурлыг хийж, оюутны санаачилга, оролцоог авлигатай тэмцэхэд оролцуулах нь гол зорилго гэнэ.
     Авлигатай тэмцэх газар их, дээд сургуулийн оюутнуудын дунд эрдэм шинжилгээний бага хурал зарлажээ. “Авлигатай тэмцэж, шударга ёсыг тогтоон бэхжүүлэх нь: Асуудал ба шийдэл” сэдвээр МУИС, МУБИС, ШУТИС, ЭМШИУС, СЭЗДС, Дотоод хэргийн их сургуулийн оюутны холбоо хамтран зохион байгуулж байгаа гэнэ. АТГ-ын “Шударга ёсны төлөө 2011” арга хэмжээний хүрээнд уг хурлыг хийж, оюутны санаачилга, оролцоог авлигатай тэмцэхэд оролцуулах нь гол зорилго гэнэ. Хэвлэлийн бага хурал зарлаж энэхүү арга хэмжээний тухай мэдээлэх үеэр дээрх сургуулийн оюутны зөвлөлийн дарга нар иржээ. Тэд хэлэхдээ “Бид эрдэм, мэдлэгтэй болж суралцах нь авлигатай тэмцэхэд ихээхэн тус болно” хэмээн итгэдэгээ хэлсэн юм. Мөн эдгээр зохион байгуулагч оюутнууд бусад залуусыг энэ ажилд оролцохыг уриалаад, өөрсдөө эрдэм шинжилгээний уралдаанд оролцохгүй гэдгээ хэлж байв.

    Илтгэл бичиж, эрдэм шинжилгээний хуралд хэлэлцүүлэхийг хүсвэл авлигатай тэмцэх, шударга байдлыг дээшлүүлэх талаар тулгамдсан, шийдвэрлэвэл зохих асуудлыг хөндөх хэрэгтэй. Мөн сэдвээрээ шинэлэг арга зүй баримталсан судалгаа хийж, олон талын үзэл бодол, байр суурийг харьцуулах ёстой. Түүнчлэн өөрийн үнэлэлт дүгнэлтийг хийсэн, асуудлын шийдэл, бодлогын хувилбарыг санал болгосон байх ёстой юм байна. Авлигын эсрэг олон улсын өдрийг угтан зохион байгуулж буй энэхүү арга хэмжээнд НҮБ-ын Хөгжлийн хөтөлбөрийн “Монгол Улсад шударга ёс, ил тод байдлыг бэхжүүлэх нь” төсөл дэмжлэг үзүүлж байгаа аж. Тэргүүн байр эзлэгч оюутанд иж бүрэн компьютер, дэд байрт сургалтын төлбөр олгох гэнэ.

Б.Ганбилэг