Манай Улс нефтийн нөөцтэй 93 орноос 39 дүгээрт жагсдаг. Өнөөдрийн байддаар газрын тосны нөөцтэй байх боломжтой 30 талбайг тусгаарласан бөгөөд эдгээрийн 18-д нь нефть хуваах гэрээ байгуулсан байна. Энэхүү гэрээг дотоод, гадаадын 14 компанитай байгуулсан бөгөөд гэрээт компанийн 3.3 хувь нь дотоодынх, 38 хувь нь БНХАУ-ынх, үлдсэн нь бусад улсынх аж. Газрын тосны газраас мэдээлснээр, өнгөрсөн онд 218 мянган баррель тос олборлосон бөгөөд үүнийг 100 хувь экспортолжээ. Харин энэ оны эхний хагас жилд 204 мянгыг олборлосон байна. 2015 оноос дотооддоо бүтээгдэхүүн үйлдвэрлэхээр төлөвлөсөн. Дарханд байгуулахаар шав тавьсан боловсруулах үйлдвэрийг Япончуудтай хамтран барих юм. Үйлдвэр байгуулахад 600 сая ам.доллар шаардлагатай бөгөөд хөрөнгийн 85 хувийг Японы Засгийн газар гаргахаар болсон. Манай талаас "Петровис", "МТ", "Жаст групп" оролцоно. Үйлдвэр ашиглалтад орох 2015 онд манай улсын нефтийн бүтээгдэхүүний хэрэгцээ жилд 1.4 сая тонн болж өсөх төлөвтэй байгаа аж. Харин Дарханы боловсруулах үйлдвэр жилд хоёр сая тонн түлш, шатахуун гаргах хүчин чадалтай.

Газрын тосны салбарын өсөлт ийнхүү эрчимжиж байгаа атал манай улсад энэ чиглэлээр үйл ажиллагаа явуулж буй компаниудын ажил хайгуул, олборлолт, импорт төдийгөөр хязгаарлагддаг. Өөрөөр хэлбэл, энэ салбарт техник, технологи нэвтрүүлэх, зөвлөх, менежментээр дагнасан аж ахуйн нэгж төдийлөн хангалттай биш байна. Шатамхай шингэн агуулах зориулалттай “Elutron, Plasteel Composite” хэмээх энэхүү савыг гүний усны нөөцдөө түшиглэн ундны хэрэгцээгээ хангадаг манайх шиг орнууд авдаг аж. Учир нь ШТС-ууд газрын гүнд агуулахуудаа байрлуулдаг бөгөөд элэгдлийн явцад хөрсөнд шатахуун нэвчих, шүүрэх асуудал цөөнгүй гардаг. Тиймээс нано технологи, цахим хяналт суурилуулсан агуулахууд манайд зайлшгүй хэрэгтэй гэнэ. Одоогийн байдлаар манайд оруулж ирэхэд хамгийн тохиромжтой, үнэ хямд нь дээрх сав юм байна. Уг арга хэмжээний үеэр анхаарал татсан танилцуулга нь энэ байсан юм. Бусад нь ерөнхийдөө. "Жаст", "Петровис", "МТ" зэрэг импортлогч компаниуд байлаа.

Т.Хулан