“Оюутолгой” компаниас хууль бусаар халагдсан гэж шүүхэд хандсан С.Гантуяа анхан шатны шүүхэд тус компанийг ялсан. Тэрбээр “Оюутолгой” компани нь монгол ажилчдыг ялгаварлан гадуурхаж, гадаад ажилчдад илүү цалин өгдөг гэж мэдэгдснийхээ төлөө ажлаасаа халагдсан  юм. Шүүх хурал “Оюутолгой” компанийн хүсэлтээр таван удаа хойшилсон ч нэхэмжлэл гаргаснаас хойш дөрвөн сар гаруйн дараа буюу  өнгөрсөн гуравдугаар сард болсон. Тэрээр Оюутолгой компанийн гадаад, монгол ажилчдын цалинг анх удаа ил болгосон билээ. Тэгвэл С.Гантуяа энэ удаа “Оюу Толгой”-н хөдөлмөр эрхлэлтийг бүрэн зөв хянахын тулд дараах асуултуудыг Оюутолгойд хүргүүллээ.

1.    Үндсэн ажилчдын хэд нь монголчууд вэ?

2.    Үндсэн ажилчдын удирдах түвшинд (Менежер) ажиллаж байгаа ажилчдын хэд нь монголчууд вэ?

3.    Монгол үндсэн ажилчдын нэг жилд ажиллах хүн цаг хэд вэ?

4.    Цалингийн сангийн хэдэн хувийг нийт монгол үндсэн ажилчид авдаг вэ?

5.    Үүнийг мөнгөн дүнгээр илэрхийлнэ үү?

6.  Цалингийн сангийн хэдэн хувийг удирдах түвшинд буюу менежерийн албанд байгаа үндсэн ажилтанд тооцогдох монголчууд авч байгааг хувиар мөн мөнгөн дүнгээр хэлнэ үү?

7.  Үндсэн ажилтан болох монголчуудад төлж байгаа цалин, нийгмийн даатгал зэргийг мөнгөн дүнгээр нийт гадаад ажилтнуудад төлж байгаа цалин болон бусад төлбөр зардлуудыг мөнгө дүнгээр харьцуулж хэлнэ үү?

8.   Нийт үндсэн монгол ажилчдын ажилласан цагтай харьцуулан нийт хичнээн хүн цагийг үндэсний боловсон хүчнийг сургахад зарцуулсан талаар мэдээлнэ үү?

9.    Үүнийгээ ажил дээр болон ангид сургасан гэсэн байдлаар харуулна уу?

10.    Ингэж сургасан зардлаа мөнгөн дүнгээр илэрхийлнэ үү?

11.    Орон нутгийн иргэдийн бизнес эрхлэхийг дэмжсэн байдлаа мөнгөн дүнгээр нь баримттай илэрхийлнэ үү?

12.    Орон нутгийн хөгжилд оруулсан хувь нэмрээ мөнгөн дүнгээр нь баримттай илэрхийлнэ үү?

Уг нь бол эдгээр мэдээллүүдийг доорх сувгуудаас авч болдог. Гэтэл тэд яаж ажиллаж байгааг уншина уу.

Оюу Толгойн Үйлдвэрчний Эвлэл: Тэдэнд энэ мэдээлэл байх ёстой. Гэхдээ тэд байсан ч ажилчиддаа болон сонирхсон хүмүүст өгөхгүй. Учир нь төрийн эрх бүхий байгууллага болох Хөдөлмөрийн яамныхан очиход бүдүүлгээр ажилд нь саад хийж байсан жишээтэй. Тэд Оюу Толгойн удирдлагыг бус Оюу Толгойн нийт ажилчдыг өмгөөлж хамгаалах учиртай байсан юм.

Оюу Толгойн ажилчид болон орон нутгийн иргэд: Оюу Толгойн ажилчид бор амиа бодоод хэзээ ч энэ талаар ярихгүй. Учир нь ярьсан нэгнийг нь ажлаас халах, дарамтлах, айлган сүрдүүлэх, хохироох үйлдэл хийдэг. Орон нутгийн иргэд ярьж хэлдэг ч Монголын Засгийн газар болон тэдний хооронд гүүр байдаггүй. Тэд яаж ч хашгираад хэн ч сонсохгүй. Хамгийн сүүлийн жишээ гэхэд Оюу Толгойн баяжуулах үйлдвэрийн нээлт дээр салбарын сайд, УИХ гишүүн нар очиход тэнд эсэргүүцлээ илэрхийлээд 20 гаран орон нутгийн иргэд уриа, лоозон барьж зогсож байсан. Үүнийг салбарын сайд нь ч хэлсэнгүй, хэвлэл мэдээллийнхэн ч ярьсангүй.

Компанийн тайлан: Оюу Толгой, Рио Тинто, Туркуаз хил нарын тайлан нь Монголын Хөдөлмөрийн яам, нийгмийн даатгалд зөрүүтэй тоо мэдээлэл өгдөг шигээ буруу  байдаг. Ялангуяа Монголчуудтай good faith буюу шударга итгэлцлийн зарчим тогтоогоогүй тул яөж ч бид Оюу Толгой болон Рио Тинтод итгэх билээ. Уг нь Оюу Толгой компанийн нийгмийн хариуцлагын менежертэй уулзаж болох боловч тийм ажилтан байдаг эсэхийг бид мэдэхгүй. Уул уурхайн үндэсний ассоциаци: Харамсалтай нь тус байгууллага Оюу Толгойгоос хараат байж чаддаггүй. Тус газар эдийн засгийн алуурчин, Фрийдландаас мөнгө авдаг хэмээн Д. Бямбасүрэн гуай саяхан хэвлэлд өгсөн ярилцлагадаа өгүүлсэн тул мэддээлэл авахад найдваргүй газар

Уул уурхайн яам: Нилээд шургуу ажиллаж байгаа ч энэ талын мэдээлэл байхгүй