"Шүнди" ХХК нь гүйцэтгэх захирлаар томилогдон ажиллаж байсан Ван Сэн Тон чанаргүй барилгаа нуун дарагдуулахын тулд хууль хяналтынхныг хахуульдсан талаар бид мэдээлж байсан.
Учир нь 2008 онд “Шүнди” ХХК нийслэлийн Баянгол дүүргийн зургадугаар хорооны нутаг дэвсгэр, Kёкүшю цамхгийн баруун талд байрлах 66 айлын 12 давхар орон сууцны барих зөвшөөрөл авч, барилгын ажлыг Хятадын хөрөнгө оруулалттай “Зунчен” ХХК-иар хийж гүйцэтгүүлсэн байдаг. Гэвч “Зунчен” ХХК барилгын ажлыг гүйцэтгэхдээ барилгын үндсэн зургийн дагуу монтажийн ажлыг хийгээгүй. Мөн сантехникийн холболт хийхдээ резваг ханатал нь чангалж, контор шахагч ашиглаагүйгээс далд шугамд ус алдсан юм. Мөн ус дамжуулах цайртай ган яндан холбох хэрэглэлээр монтаж хийх норм, дүрэм алдагдсанаас зэврэлт үүссэн. Үүний улмаас усны агуулга дахь зэв, төмөр зөвшөөрөгдөх хэмжээнээс хэтэрч иргэд усыг ундандаа хэрэглэх боломжгүй болоод байгаа юм. Иймээс тус байрны оршин суугчид арга буюу хэвлэлийнхэнд хандаж, тусламж хүссэн билээ.
Хэдийгээр чанаргүй барилга барьсан гэх Ван Сэн Тонд эрүүгийн хэрэг үүсгэн шалгасан байдаг ч хяналтын прокурор О.Гэрэл хэргийг хэрэгсэхгүй болгосон байдаг.
О.Гэрэл прокурор нь хэргийг хэрэгсэхгүй болгосон бол хуулийн дагуу хохирогчдод гурав хоногийн дотор мэдэгдэх ёстой юм байна. Тодруулбал, Эрүүгийн байцаан шийтгэх тухай хуулийн 209.4-т “хэргийг хэрэгсэхгүй болгосон тогтоолыг сэжигтэн, яллагдагч, хохирогчид гурав хоногийн дотор мэдэгдэж, гомдол гаргах журмыг тайлбарлан өгнө” хэмээн заажээ.
Хохирогчид прокурорын тогтоолыг авсны дараа дээд шатны прокурорт гомдол гаргах эсэхээ шийдэх ёстой байж. Гэтэл О.Гэрэл прокурор хохирогчдод хэрэгсэхгүй болгосон тогтоолыг тус оны арванхоёрдугаар сарын 5-нд буюу арав хоногийн дараа мэдэгдсэн байна.
Хохирогчид гомдлыг арав хоногийн дараа авч, дээд шатны прокурорт гомдол гаргахад Нийслэлийн прокурорын орлогч асан Е.Сагсай “Сэжигтэн яллагдагчид холбогдох зарим хэргийг хэрэгсэхгүй болгох тухай прокурорын тогтоолуудыг үндэслэлтэй гэж үзлээ” гэсэн хариу өгчээ. Иймээс Нийслэлийн прокурор Б.Бат-Оршиход хандахад “хэргийг Баянгол дүүргийн шүүхэд шилжүүлсэн байх тул яллагдагчид холбогдох хэргээс зарим хэргийг хэрэгсэхгүй болгож шийдвэрлэсэн нь үндэслэлтэй эсэхийг хянах боломжгүй” гэжээ.
Угтаа бол энэ бүх зүйл нь О.Гэрэл прокурорын буруу байжээ. Хэрвээ О.Гэрэл прокурор хуулийн дагуу гурав хоногийн дотор танилцуулсан бол хохирогчдод дээд шатны прокурорт гомдол гаргах эрх нь байсан байна. Тиймээс хохирогчид О.Гэрэл прокурорын үйлдлийг санаатай хэмээн үзэж байгаа аж.
Учир нь 2008 онд “Шүнди” ХХК нийслэлийн Баянгол дүүргийн зургадугаар хорооны нутаг дэвсгэр, Kёкүшю цамхгийн баруун талд байрлах 66 айлын 12 давхар орон сууцны барих зөвшөөрөл авч, барилгын ажлыг Хятадын хөрөнгө оруулалттай “Зунчен” ХХК-иар хийж гүйцэтгүүлсэн байдаг. Гэвч “Зунчен” ХХК барилгын ажлыг гүйцэтгэхдээ барилгын үндсэн зургийн дагуу монтажийн ажлыг хийгээгүй. Мөн сантехникийн холболт хийхдээ резваг ханатал нь чангалж, контор шахагч ашиглаагүйгээс далд шугамд ус алдсан юм. Мөн ус дамжуулах цайртай ган яндан холбох хэрэглэлээр монтаж хийх норм, дүрэм алдагдсанаас зэврэлт үүссэн. Үүний улмаас усны агуулга дахь зэв, төмөр зөвшөөрөгдөх хэмжээнээс хэтэрч иргэд усыг ундандаа хэрэглэх боломжгүй болоод байгаа юм. Иймээс тус байрны оршин суугчид арга буюу хэвлэлийнхэнд хандаж, тусламж хүссэн билээ.
О.Гэрэл прокурор нь хэргийг хэрэгсэхгүй болгосон бол хуулийн дагуу хохирогчдод гурав хоногийн дотор мэдэгдэх ёстой юм байна. Тодруулбал, Эрүүгийн байцаан шийтгэх тухай хуулийн 209.4-т “хэргийг хэрэгсэхгүй болгосон тогтоолыг сэжигтэн, яллагдагч, хохирогчид гурав хоногийн дотор мэдэгдэж, гомдол гаргах журмыг тайлбарлан өгнө” хэмээн заажээ.
Хохирогчид гомдлыг арав хоногийн дараа авч, дээд шатны прокурорт гомдол гаргахад Нийслэлийн прокурорын орлогч асан Е.Сагсай “Сэжигтэн яллагдагчид холбогдох зарим хэргийг хэрэгсэхгүй болгох тухай прокурорын тогтоолуудыг үндэслэлтэй гэж үзлээ” гэсэн хариу өгчээ. Иймээс Нийслэлийн прокурор Б.Бат-Оршиход хандахад “хэргийг Баянгол дүүргийн шүүхэд шилжүүлсэн байх тул яллагдагчид холбогдох хэргээс зарим хэргийг хэрэгсэхгүй болгож шийдвэрлэсэн нь үндэслэлтэй эсэхийг хянах боломжгүй” гэжээ.
Угтаа бол энэ бүх зүйл нь О.Гэрэл прокурорын буруу байжээ. Хэрвээ О.Гэрэл прокурор хуулийн дагуу гурав хоногийн дотор танилцуулсан бол хохирогчдод дээд шатны прокурорт гомдол гаргах эрх нь байсан байна. Тиймээс хохирогчид О.Гэрэл прокурорын үйлдлийг санаатай хэмээн үзэж байгаа аж.
/24tsag.mn/
Сэтгэгдэл (3)