Монгол, Хятадын соёл урлагийн солилцоог дэмжих, хоёр улсын ард түмний харилцан ойлголцлыг өргөжүүлэх, танин мэдүүлэх зорилгоор Улаанбаатар дахь Хятадын соёлын төвөөс “Монгол, Хятад зураачдын үзэсгэлэн” тус төвд лхагва гарагт нээлтээ хийсэн юм.

Энэхүү үзэсгэлэнд хоёр өөр төрөл жанрын уран зургийн гайхамшигт бүтээлүүдийг дэлгэн үзүүлсэн гэдгээрээ онцлогтой. Тухайлбал, Хятадын уламжлалт зураг нь зураасаар голчлон зурдаг утгачилсан урлаг юм. Хятадын уран зургийг тэнцүү тэмдэг хэмээн зүйрлэвэл барууны уран зураг нь хэсэг талыг голлодог, бодит чанартай дүрийг илэрхийлдэг үзэл билээ. Харин хятадын зургийн бүтэц нь зураасаар зурж илэрхийлэх нь элбэг. Зураач хүн бол оюуны өндөр чадамж, мэдрэмжтэй хүмүүс юм. Зураачийн бүтээлд өөрийнх нь зүрх сэтгэл нь шингэсэн байдаг. Хятадын уран зураг нь олон санааг илэрхийлсэн бахархам төдийгүй сонирхол татсан байдалтайгаа хослон байж оргил бүтээл болж мөнхөрдөг гэж болно. Ийм бүтээл төрөхийн гол мөн чанар, гол арга нь гэрэлтүүлэх болон бүдгэрүүлэх юм. Харин хэсэг талыг зурах аргаар дүр бүтээх нь бүтэц зүйн үр нөлөө болон харааны мэдрэмжийг өдөөж байдгаараа ихэд үр нөлөөтэй төрөл хэлбэр аж. Энэхүү үзэсгэлэнд БНХАУ-ын нэрт зураач, ноён Вэн Чан Жианы сүүлийн 20 жилийн бүтээлийн төлөөлөл болсон 30 бүтээл, Монгол Улсын нэрт зураач, хадагтай З.Уянгын 28 бүтээлийг дэлгэн үзүүлж байгаа юм. Энэ хоёр зураачийн хурц мэлмий, сэргэг мэдрэмж, халуун сэтгэл шингэж уран нарийн бийрийн үзүүрээр амилсан байгалийн үзэгдэл, нутаг орны ард, зон олны зан заншил, ёс жаягийг болон хэт ирээдүйг уран сайхнаар төсөөлсөн зэрэг олон утга санааг агуулсан бүтээлийг дэлгэн тавьжээ.

Манай зураач З.Уянга нь 1989 онд  Ленинградын И.Е.Репиний нэрэмжит уран зургийн академийг зураач мэргэжлээр төгсчээ. Тэрбээр өнгөрсөн 20 гаруй жилд 12 удаа бие даасан уран бүтээлийн үзэсглэнгээ гаргаж олон түмэнд толилуулснаас тал хувийг нь буюу зургаан үзэсгэлэнгээ балет, бүжгийн жүжгийн сэдэвтэй байсан гэдгээрээ онцлогтой юм. З.Уянга нь Монголын түүх, соёл, зан заншил, эмэгтэй хүний гоо сайхныг илэрхийлсэн олон сонирхолтой, өөрийн гэсэн өнгө аястай уран бүртээлээр урын сан нь арвин байдаг билээ.