Шударга өрсөлдөөн хэрэглэгчийн төлөө газар 2011 оны 11 дүгээр сард Нийслэлийн Сүхбаатар, Чингэлтэй, Баянгол, Баянзүрх дүүргийн нутаг дэвсгэрт байрлах гадаадын хөрөнгө оруулалттай нийтийн хоолны газруудад шалгалт хийлээ. Шалгалтанд Далайн алтан эрэг, Найрамдал, Гуян Шиг дан, Солонго, Хятад луу, Сораксан, Лянь Хө, Чансу, Кореана зэрэг хятад, солонгос хоолны найман ресторан, хоёр кафе хамрагдлаа.
Шалгалтын явцад тус газруудаас ноцтой зөрчил илрээгүй хэдий ч мэргэжлийн ахлах тогооч, менежергүй, хоол бэлтгэх, боловсруулах өрөө тасалгаанууд ариун цэвэр хангалтгүй, талбай багатай, хоолны дээж авч, тэмдэглэл хөтөлдөггүй, бэлтгэсэн хоолыг, түүхий бүтээгдэхүүнтэй хамт хадгалдаг, ажилтнуудаа эрүүл мэндийн шинжилгээнд хамруулах тал дээр дутагдалтай байгааг илрүүллээ.  
Шалгалтын үед ажилтнуудынх нь шинжилгээний дэвтэр, мэргэжлийн үнэмлэх гэх мэт бичиг баримт байгаагүй, ариун цэвэр хангалтгүй байсан хоёр рестораны үйл ажиллагааг түр зогсоож, зөрчлийг нь арилгуулсан байна.