Иргэний нийгмийн төлөөллүүд УИХ-д суудалтай намуудад хуваагдан элсэж байгаагийн нэг илрэл болж “Иргэний шударга шүүх” ТББ-ын тэргүүн Х.Бат-Ялалт өнөөдөр ИЗН-д элслээ. Тэрээр энэ оны долдугаар сард Монгол хүний төлөө нам байгуулж, Улсын дээд шүүхэд бүртгүүлэхээр хандсан ч хүлээж аваагүй байна. Тиймээс Ногоон намтай нэгдэхийг нь Улсын дээд шүүх мөн бүртгэхгүй байгаа Иргэний Зориг намын гишүүн болохоор шийдсэн гэнэ. ИЗН-ын ерөнхий нарийн бичгийн дарга Г.Ганхүү “Манай намд Б.Лхагважав мэтийн албан тушаал горьдсон хүмүүс ордоггүй. Итгэл үнэмшилээрээ нэгдэж байгаа” гэлээ. Бусад эрх баригч намуудаас гишүүнээр элсэх санал ирсэн талаар асуухад Х.Бат-Ялалт “Энэ талаар яримааргүй байна. Би албан тушаалын төлөө биш, шударга ёсны төлөө зорилго нэгтэй хүмүүстэй ажиллахаар ийм шийдвэр гаргасан” гэсэн юм.

Б.Баяр