Москвагийн Өмнөд Бутово дүүрэгт байдаг Чеченийн анхны ерөнхийлөгч асан Ахмат Кадыровын хөшөө рүү хоёр ширхэг гахайн толгой шидсэн явдал өнөө өглөө үүрээр гарчээ. Гэрчийн мэдүүлэгт үндэслэн цагдаагийнхны хэлсэнээр бол үүрээр таван цагийн үед гурван этгээд хөшөөний дэргэд ирж, авч явсан уутнаасаа гахайн хоёр толгой гаргаж шидээд зугатжээ. Удалгүй цагдаагийнхан ирж толгойнуудыг зайлуулан хөшөөний ойролцоо байрлуулсан камерын бичлэгийг шалгасан байна. Дээрх этгээдүүдийн хэн болохыг тогтоогоогүй байгаа боловч ОХУ-ын Эрүүгийн хуулийн 213 буюу “танхайрал” гэсэн зүйл ангиар эрүүгийн хэрэг үүсгэжээ. А.Кадыровын шүтдэг байсан лалын шашинд гахайг ариун бус амьтан хэмээн үзэж хүнсэнд хэрэглэхийг хориглодог тул дээрх явдлыг хүнд доромжлол гэж үзэхээс өөр аргагүй гэнэ.