Прокурорын байгууллага Улсын Ерөнхий прокурорын 2013 оны А/44 тоот тушаалаар УЕПГ-ын бүтэц, орон тоог, А/28 тоот тушаалын 2-р хавсралтаар Аймаг, Нийслэл, Тээвэр, Дүүрэг, Сум дундын прокурорын газар, Эрүүгийн хэргийн төв архивын газрын орон тоог шинэчлэн баталснаар 459 прокурор, прокурорын чиг үүргийг хэрэгжүүлэхэд туслах 199 ажилтан, захиргаа, үйлчилгээний 379 ажилтан, нийт 1037 прокурор, ажилтан ажиллахаас 2013 оны 12 дугаар сарын 31-ний байдлаар 435 прокурор, 189 туслах ажилтан, 321 захиргаа, үйлчилгээний ажилтантай ажиллаж байна.

Тайлангийн хугацаанд 67 хүнийг прокурорын албан тушаалд шинээр томилж, 178 прокурорын албан тушаалыг өөрчлөн буюу шилжүүлэн томилж, 22 прокурор ажлаас чөлөөлөгдснөөс  5 прокурор нь өндөр насны тэтгэвэрт гарсан.

Үүрэгт ажилдаа хариуцлагагүй хандсан, алдаа дутагдал гаргасан, прокурорын ёс зүйн хэм хэмжээг зөрчсөн үндэслэлээр 19 прокурор Улсын Ерөнхий прокурорын тушаалаар сахилгын арга хэмжээ авагдсанаас ажлаас халагдсан 5, албан тушаал бууруулсан 1, цалингийн тодорхой хувь хассан 8, сануулах сахилгын шийтгэл хүлээсэн прокурор 3 байна.

2013 онд прокурорын туслах ажилтны орон тоо нэмэгдсэнтэй холбогдуулан “Прокурорын чиг үүргийг хэрэгжүүлэхэд туслах ажилтан”-ны  сонгон шалгаруулалтыг зарлаж 691 хүн бүртгэж, шалгалтанд хамруулснаас 222 хүн тэнцжээ.

Тэтгэмж, тусламж олгохыг хүссэн 85 прокурор, ажилтан, 4 ахмад настны хүсэлтийг хүлээн авч Улсын Ерөнхий прокурорын тушаалаар 20.3 сая төгрөгний нэг удаагийн буцалтгүй тусламж, тэтгэмжийг олголоо.

Олон жил үр бүтээлтэй ажилласан 3 прокурорыг “Хууль Зүйн тэргүүний ажилтан”, 5 прокурорыг “Прокурорын тэргүүний ажилтан”, 5 прокурор, ажилтанг “Прокурорын хүндэт тэмдэг” цол тэмдгээр, 11 прокурор, ажилтанг “Жуух бичиг”, 25 прокурор, ажилтанг “Өргөмжлөл”-өөр тус тус шагнажээ.