Баянзүрх дүүргийн 15 дугаар хороо, 69 дүгээр байр 2 дугаар орцонд утаа гараад байна гэсэн дуудлагын дагуу Аврах, гал унтраах 10 дугаар ангийн 2 дугаар тасгийг гаргахад хогийн сувагт хог шатаж байсныг унтраасан. Мөн Хан-Уул дүүргийн 1 дүгээр хороо, 12 дугаар байрны хажууд манаачийн байр шатаж байна гэсэн дуудлагаар Аврах, гал унтраах 14 дүгээр ангийн тасгийг гаргахад 2х2 метрийн хэмжээтэй манаачийн байр, гранд марк 2 автомашины урд хэсэг шатаж байсныг шуурхай ажиллаж унтраасан. Түүнчлэн, Налайх дүүргийн 3 дугаар хороо, Дэнжийн 18 дугаар гудамжинд байшин шатаж байна гэсэн дуудлагын дагуу Аврах, гал унтраах 28 дугаар ангийн тасгийг гаргахад 8х9 метрийн хэмжээтэй байшингийн дээврийн хэсэг шатаж байсныг унтраасан байна.