Прокурорын байгуулагын мониторингийн системийг нэвтрүүлснээр архивын бүхий л мэдээллээр цахим сан үүсгэж, эдгээрийг үндэслэн эрүүгийн хэрэг материалтай холбоотой бүх төрлийн судалгаа хийж арга зүйн ажилд ашиглах, архивын баримтын эрэлт хайлт хөнгөвчлөгдөж, төв салбар архиваас хийж гүйцэтгэж байгаа ажлыг цахим хэлбэрээр хянаж зааварчилга өгөх боломжийг бүрдүүлсэн байна.

Улмаар өнгөрсөн оны Төсвийн тухай хуулиар урсгал зардалд 16.2 тэрбум төгрөг, хөрөнгө оруулалтаар 20.3 тэрбум төгрөг батлуулснаас  бүтэн жилээр урсгал зардалд 15.6 тэрбум төгрөгийн санхүүжилтийн эрх нээгдэж 97 хувь буюу 15.2 тэрбум төгрөг, хөрөнгө оруулалтын зардал 41 хувь буюу 8.4 тэрбум төгрөгийн гүйцэтгэлтэй  байна.

Улсын Ерөнхий прокурорын газрын хэмжээнд 2013 онд нийт 10.1 тэрбум төгрөгийн хөрөнгө оруулалт батлагдсан нь 2012 онтой харьцуулахад 5 тэрбум төгрөгөөр нэмэгдсэн байна.

Мөрдөн шалгах ажиллагаанд тавих хяналтын ажлын чанар, үр нөлөөг дээшлүүлэх,  удирдах ажилтны зөвлөгөөнөөр өгөгдсөн үүрэг даалгаврыг биелүүлэх, хүний эрхийг хангах зорилгоор хэрэг бүртгэлт, мөрдөн байцаалт явуулсан хэргийг хуулийн анхны хугацаанд болон хэргийг хялбаршуулсан журмаар шийдвэрлэх ажиллагааг нэмэгдүүлэх, шүүхээс гэмт хэргийн бүрэлдэхүүнгүй, гэм буруугүй үндэслэлээр хэргийг хэрэгсэхгүй болгуулахгүй байх  зорилтуудыг тавьж ажиллажээ.

2013 онд прокурорын байгууллага захиргааны зөрчлийн хэрэг бүртгэлтийн  ажиллагааны талаар иргэд, байгууллагаас гаргасан гомдол, хүсэлтээр болон шалгалтаар 31440 материал хянаснаас үндэслэлгүйгээр захиргааны арга хэмжээ авсан 114 шийдвэрийг хүчингүй болгож, 15-д эрүүгийн хэрэг үүсгэж, 66 шийдвэрт  өөрчлөлт оруулсан байна.

Захиргааны зөрчлийн хэрэг бүртгэх ажиллагаанд тавих хяналтын чиглэлээр нийт 210 шалгалт хийсэн ба хяналт, шалгалтаар 2333 зөрчил илрүүлж, зөрчил дутагдлыг арилгуулахаар холбогдох байгууллагад прокурорын шаардлага  125 бичсэний 116 буюу 92,8 хувьд нь биелэлтийг тооцож, хяналт, шалгалтын явцад нийт 237 хүний зөрчигдсөн эрхийг сэргээж, хууль зөрчсөн 62 албан тушаалтанд арга хэмжээ авхуулсныг өнгөрсөн онтой харьцуулахад шалгалт долоогоор, бичсэн шаардлага  таваар, зөрчигдсөн эрхийг нь сэргээсэн хүн 65-аар өсчээ.