Нэрт дуучин Робби Уилльямс Ньюкастл хотод концерт тоглож байхдаа болгоомжгүй алхам хийсний улмаас тайзан дээрээс үзэгчид рүү унажээ. Ингэж унахдаа Маргарет Нэш хэмээх 52 настай иргэнийг дарж, гарыг нь хугалсан байна. Хэдийгээр дуучны менежер хохирогч эмэгтэйтэй холбоо барин асуудлыг шийдэх байсан ч амлалтандаа хүрээгүй тул Маргарет Нэшийн охин хэвлэлд мэдээлжээ. Эмнэлэгт гипс тавиулаад хэвтэж буй хөөрхий эмэгтэйгээс хэн ч уучлалт гуйгаагүй гэнэ.