Сүмогийн их аварга Д.Дагвадорж энэ жилийн наадамд зодоглох болсон талаараа өнөөдөр өөрийн твиттер хуудсаар мэдэгдлээ. Гэхдээ улсын наадамд бус аавынхаа төрсөн нутаг болох Өвөрхангайн Хужирт сумын наадамд барилдаж эр, бяраа үзэх бололтой.

Тэрээр энэ тухайгаа “Хужиртын наадамдаа зодоглодог юм бил үү, хорхой хүрчлээ” гэсэн тайлбартайгаар зодог, шуудаг өмссөн зургийн хамтаар жиргэжээ. Түүнчлэн өчигдөр дархан аварга цол хүртсэн А.Сүхбат, Г.Өсөхбаяр нарт баяр хүргэж “Манай чөлөөт бөхөөс хоёр дархан аварга төрлөө. Идэр залуу насандаа олныг баясгаж байсан хоёр дархан аваргадаа сайн, сайхныг хүсье” хэмээсэн байна.