Өнгөрсөн амралтын өдрүүдэд нийслэл болон орон нутагт зургаан иргэн амиа хорложээ. Тодруулбал, Баянзүрх дүүргийн наймдугаар хороонд 28 настай О гэрээслэл үлдээгээд, гэрийнхээ баганаас өөрийгөө боомилон нас барсан байна. Мөн тус дүүргийн 22 дугаар хороонд 23 настай эрэгтэй Э, хоёрдугаар хороонд 25 настай эрэгтэй Х, 19 дүгээр хороонд 26 настай эмэгтэй У нар амиа хорложээ. Түүнчлэн Хан-Уул дүүргийн дөрөвдүгээр хороонд 45 настай П согтууруулах ундаа хэтрүүлэн хэрэглэсэн үедээ шонгийн модноос өөрийгөө боомилж, Хэнтий аймагт 24 настай А цахилгааны шонгоос өөрийгөө дүүжилсэн байна. Уг хэргүүдийг дүүргийн цагдаагийн хэлтэст шалгаж эхэлжээ.
Б.Чимэг
