Орхон аймгийн засаг дарга Д.Оюунбатыг оны өмнөхөн нэлээдгүй шуугиж байж ажлаас нь чөлөөлсөн билээ. Тэгвэл өчигдөр хуралдсан МАН-ын удирдах зөвлөлийн хурлаар БСШУ-ны сайд
Ё.Отгонбаярын ах Ё.Баярсайханыг энэ суудалд зүтгүүлэхээр ярилцаж,
дэмжжээ.

Орхон аймгийн засаг дарга Д.Оюунбатыг оны өмнөхөн нэлээдгүй шуугиж байж ажлаас нь чөлөөлсөн билээ. Түүнийг төрийн мөнгө шамшигдуулсан хэмээн үзэж суудлаас нь буулгасан. Улсын төсөвт хамгийн их татвар төлдөг “саалийн үнээ” гэгддэг “Эрдэнэт” үйлдвэр энэ аймагт байдаг тул засаг дарга болох хүсэлтэй хүмүүсийн урт нэрсийн жагсаалт яригдаж байсан юм. Тухайлбал, “Эрдэнэт” үйлдвэрийн Үйлдвэрлэл эрхэлсэн орлогч З.Ганбаатар, Ц.Бат-Энх, аймгийн Гаалийн газрын дарга Винтов нарын нэр үүнд орж байсан. Ихэнхи нэр дэвшигчид нь “Эрдэнэт” үйлдвэрийн захирал Ч.Ганзоригийн талын хүмүүс гэж үзэж байсан юм. Тэгвэл өчигдөр хуралдсан МАН-ын удирдах зөвлөлийн хурлаар БСШУ-ны сайд Ё.Отгонбаярын ах Ё.Баярсайханыг энэ суудалд зүтгүүлэхээр ярилцаж, дэмжжээ. Тэрбээр 2000 онд Эрдэнэт хотоос УИХ-д гишүүнээр сонгогдож байсан. Үүнээс өмнө “Эрдэнэт” үйлдвэрт ерөнхий эдийн засагч, гүйцэтгэх захирлын орлогчоор ажиллаж байжээ. Ё.Баярсайхан нь Ждановын нэрэмжит Москвагийн Удирдлагын дээд сургуулийг төгссөн гэсэн мэдээлэл байна. Харин ажлаасаа халагдсан Д.Оюунбат “Эрдэнэт”-ийн гүйцэтгэх захирал засаг даргад санаархаж намайг унагалаа хэмээн тайлбарлаж яваа аж.
Б.Баяр