Жил бүрийн хоёрдугаар сарын 15-ны дотор төрийн албан хаагчид хөрөнгө орлогын мэдүүлгээ гаргадаг. УИХ-ын гишүүн Х.Тэмүүжиний санаачилсан сонирхлын зөрчлийн тухай хууль батлагдсантай холбоотойгоор Авлигын эсрэг хуулийн зарим заалт өөрчлөгдсөн  байна. Тухайлбал төрийн үйл ажиллагааг төлөөлөн хэрэгжүүлж байгаа бол нийтийн алба гэдэг ойлголтонд хамааруулжээ. Үүнд гадны төрийн бус байгууллагуудын удирдах ажилтнууд ч орж байгаа юм. Мянганы Сорилтын сан, Соросын сан зэрэг томоохон хандив, тусламж үзүүлдэг газрууд, Хөгжийн банк болон Монголын хөрөнгийн биржид ажиллаж байгаа гадаадын иргэний мэдүүлгийг ч АТГ шалгах аж. Харин энэ  эрх мэдлийг гартаа атасан АТГ-ын дарга нарын хөрөнгө орлогод УИХ-ын Хууль зүйн байнгын хороо хяналт тавих юм байна. Ирэх сард сонирхлын зөрчлийн тухай хууль хэрэгжиж эхлэхгүй ч хөрөнгө орлогын мэдүүлэгтээ үндэслэлгүй хөрөнгө дурдсан бол Авлигын эсрэг хууль болон Эрүүгийн тухай хуулийн дагуу шийтгэхээр болжээ.