Нийслэлийн Засаг даргын 2011 оны 6-р сарын 17-ны өдрийн 472 дугаар захирамж, Хотын Ерөнхий менежерийн 2011 оны 6-р сарын 20-ны А/82 дугаар тушаалыг үндэслэн өнгөрөгч оны долдугаар сараас гэр хорооллын айл өрхийн хог хаягдлын хураамжийг цахилгааны төлбөртэй хамт банкаар дамжуулан хураах ажил эхэлсэн билээ.
    Нийслэлийн Засаг даргын 2011 оны 6-р сарын 17-ны өдрийн 472 дугаар захирамж, Хотын Ерөнхий менежерийн 2011 оны 6-р сарын 20-ны А/82 дугаар тушаалыг үндэслэн өнгөрөгч оны долдугаар сараас гэр хорооллын айл өрхийн хог хаягдлын хураамжийг цахилгааны төлбөртэй хамт банкаар дамжуулан хураах ажил эхэлсэн билээ. Хан-Уул дүүргийн Мэргэжлийн хяналтын хэлтэс, Үйлдвэрлэл, үйлчилгээний хэлтэс хамтран дүүргийн хэмжээнд хэрэгжүүлж буй хог хаягдал тээвэрлэлтийн байдалтай танилцав. Эдүгээ дүүргийн ТҮК-ийн машин техник хүрэлцээгүйн улмаас график мөрдөж ажиллахад хүндрэлтэй, айл өрхийн хогийг сардаа багтаан бүрэн авч чаддаггүй. Айл өрхүүд хогны төлбөрөө бүрэн төлдөггүйн улмаас 2011 оны эцсийн байдлаар ТҮК-д 34 сая төгрөгийн авлага үүссэн зэрэг хүндрэл үүсээд байгаа аж.
   Тиймээс холбогдох газруудаас дүүргийн орон сууцны болон гэр хорооллын айл өрхийн хог хаягдлыг цуглуулж тээвэрлэх ажлын хуваарь гаргажээ. Хуваарийн дагуу долоо хоногийн даваа, лхагва гаригуудад албан газарт бусад өдрүүдэд хороодын хог хаягдал тээвэрлэлтэд машин хуваарилан гаргадаг болох юм. Түүнчлэн дүүргийн хэмжээнд 1-р сард багтаан их хэмжээгээр хуримтлагдсан хог хаягдлыг гадны машин техник дайчлан шуурхай тээвэрлэх ажил эхлээд байна.